30 наурыз Көктал ауылдық кітапханасында Алматы облысының 90 жылдығына орай «Жер жаннаты - Жетісу» атты слайд ұйымдастырылды.
Тұңғыш президентіміздің «Рухани жаңғыру» атты жолдауы туған өлкенің, жергілікті жердің тіпті, аймақтың өз ерекшеліктерін, табиғатын, тарихын, халқы мен тұрмысын сипаттайтын факторларды зерттеп, оны жас ұрпақ тәрбиесінде пайдалану өзінің маңыздылығын ешқашан жоймақ емес. Өлкетану отансүйгіштік сезімді - Отанға деген терең махаббатты тудырады. Туған өлкенің өткенімен, қазіргі кезімен және жорамалды болашағымен, табиғи, экономикалық, тарихи, мәдени және басқа да ерекшеліктерімен танысу, дүниетанымын қалыптастыруға жағдай жасайды.
Биыл 90 жыл толған Алматы облысы отандық және әлемдік тарихқа Жетісу атымен белгілі. Қазақ халқының сан ғасырлық тарихында Жетісу аймағының алатын орны ерекше. Жер жаннаты атанған бұл өлке өзінің сұлу табиғаты, бай тарихы, қойнауы қазынаға толған шұрайлы жері, берекесі мен бірлігі жарасып, тату-тәтті ғұмыр сүріп жатқан тұрғындарымен алтын бесікке айналған.
Қасиетті ата мекен мен өзіңмен тілдесем,
Бабалардың тері тамған құт қонысын білмесем.
Онда құрттай жүрегімнің бәр кінәсін кешпес ең,
Онда менде, жұмыр жерде табан тіреп жүрмес ем, - деп Ф. Сахи ақын жырлағандай құт атамекенді танып білмесек, онда өзіміздің туған жеріміз жайында ештеңе білмегеніміз.
Негізгі бет Алматы облысына 90жыл
Пікірлер: 1