Алматы облысында "құлдықтамыз" деген ағайынды екі азамат құтқаруды өтініп видеоүндеу таратып жатыр. Шағымданушылардың сөзінше, оларға Кербұлақ ауданында Ғабит Бөрібаев есімді азамат екі айдан бері күштеп мал бақтырған. Одан қалды не ақымызды төлемей, не жейтін асымызды жеткізбей әбден қинады дейді. Осы жәйттің анық-қанығын білу үшін тілшіміз Самал Қабышева арнайы жасақпен бірге оқиға орнына барып, екі азаматты құтқару операциясына қатысып қайтты.
"Құлдықтан құтқарыңыздар" деп көмек сұраған бес баланың әкесі Бибол Ясымбек осы бейнежазбаны жазып жіберген. Оқиға орнына полицейлермен барғанымызда, алдымыздан қария шықты. 87 жастағы ақсақал екі баламды осы жерден малдың иесі жібермей жатқандықтан, оларды босатуын сұрап, үлкен басыммен келген едім дейді.
ЯСЫМБЕК, Нұрбол мен Биболдың әкесі:
- Өлсеңдер осы жерде өліп қалыңдар дейді. Біз адам емес, ит құрлы болмадық қой бұған. Неге қорлайды бұл бізді? Ей айналайын бұлар өліп қалса, мен қайтып жан бағамын дедім?
САМАЛ ҚАБЫШЕВА, тілші:
- Бізді құлдықта ұстап отыр деген екі ағайындының сөзінше, қазір олар 46 бас сиыр, 150 бас жылқы, 400 бас қой бағып отыр екен. Малдың иесі сөздерінше, осыншама малды қарауға бар болғаны 250 мың теңге төлейді екен. Қазір денсаулығымыз жарамайды, малды қарамаймыз деген қарсылығымызға қарамастан малдың иесі бізді күштеп ұстап отыр деп шарасыз күйде отыр.
НҰРБОЛ ЯСЫМБЕК, малшы:
- Біз малды өз бетімізше тастап кетуге қорқамыз. Мынау енді қинау болмағанда енді не?
БИБОЛ ЯСЫМБЕК, малшы
- Кетпейсіздер дейді. Мына малды қарайсыңдар дейді. Бізді қорқытты. Ана үйіне кіргізіп алып, қорқытты. Қамшымен. Қамшысын бүктеп алып, қайда барсаң онда бар деп бізді бопсалады. Екі ай болды, он тиын ақы алған жоқпыз. Осы жерде ішіп, жейтін продуктамыз да қалмайды. Осы 400 бас қойды қырқытып та алды, оның да ақшасын берген жоқ.
Ал отар-отар малдың иесі Ғабит Бөрібаевтың өзі ешкімді күштеп ұстап отырған жоқпын дейді. Керісінше, олардың "бес жылға дейін мал бағамыз" деген уәдесіне сеніп несиесін өтеп, балаларына жағдай жасадым деп ашулы. Және ағайындылардың қалған шағымын жоққа шығарды.
ҒАБИТ БӨРІБАЕВ, малдың иесі:
- Ешқандай зорлық-зомбылық болған жоқ. Келісім шарттарымыз Ясимбек Биболмен 3 жылға, Ясимбек Нұрболмен 5 жылға болған. Бірақ келісім шартқа қарамай, ол азаматтар келісім шарттарын бұзды. Құдай бұйыртса 10-15 күнде ме екен, бір жетінің ішінде ме екен, малшы табылса жұмыстан босатуға уәде беремін.
Ал мал қарауға денсаулығымыз сыр бергендіктен келісім шартты бұздық деген екі ағайынды, қожайын өзге бақташыны әдейі іздемей жүр деп күдіктенеді. Қазір бұл істі Кербұлақ ауданы полициясының бастығы өз бақылауына алды.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#құлдық #құтқару #тергеу #бостандықтан_айыру
Негізгі бет Алматы облысында мал бағып, құлдықта жүрген екі ағайынды көмек сұрайды
Пікірлер: 783