Бүгін қара жамылған бір қауым ел үш баласын тоғызыншы қабаттан лақтырып, артынша өзі де секіріп кетіп көз жұмған Бақтыгүл Қыдырбаева мен перзенттерін соңғы сапарға шығарып салды. Марқұмдар Түркістан облысы Қазығұрт ауданы Үлгілі ауылында жерленді. Онда Бақтыгүлдің ата-енесі тұрады. Жерлеу рәсіміне марқұмдардың тек ет жақындары ғана қатысты. Бақтыгүлдің туыстары бұл қайғылы жағдайға себеп болуы мүмкін деген болжамдарымен бөлісті. Айтуларынша, күйеу балалары отбасын тастап, басқа келіншекке кетіп қалған.
Үш перзентін тоғызыншы қабаттан лақтырып, кейін өзі де секіріп бақилық болған Бақтыгүл мен балаларын туған-туыстары жер қойнына тапсырды. Марқұмдардың жаназасы түске таман Қазығұрт ауданы, Үлгілі ауылындағы күйеуінің шаңырағынан шығарылды.
Бақтыгүлдің туыстары соңғы кездері күйеуімен жиі ұрысып, тіпті бірге тұрмай кеткендерін айтады. Сөздерінше, Нұрсұлтан Оразов басқа бір келіншекпен көңіл қосқан. Ол әйел Алматыдағы жоғары оқу орындарының бірінде кафедра меңгерушісі болып қызмет етеді дейді Бақтыгүлдің әпкесі Жанар Қыдырбаева.
ЖАНАР ҚЫДЫРБАЕВА, марқұм Бақтыгүлдің әпкесі:
- Ол әйелдің де үш баласы бар. Сол Нұрсұлтанның суретке түскен суретін тауып алған. Фотосын. +Жеке пәтері бар екен. Машинасы бар екен. Білмеймін енді Нұрсұлтан соның ақшасына қызығып барған сияқты.
Жанардың айтуынша, барлық жанжал осыдан басталған. Кейін Бақтыгүл ол әйелдің күйеуінен екі рет жүкті болғанын білді дейді. Сөзінше келіншек бірінші баланы алдыртқанымен, екіншісін өмірге әкелмек болған. Бұл туралы Нұрсұлтанның ата-анасы да білген дейді марқұмның әпкесі. Сондай-ақ олар, күйеу балалары құмар ойынға салынған және ішімдікке әуестігі бар деді.
ОРАЗГҮЛ МЫРЗАБЕКОВА, марқұм Бақтыгүлдің әпкесі:
- Ол бала казинода ойнайтын бала, карта ойнайтын бала. Сондай бала болған. Историясын тазалап тексеріңіздер сіздер. +Бұл жерде үлкен жанжал болып тұрушы еді деді. Біз бәріміз куәміз деп сөйтті. - Жанжал болғанда ер мен әйелдің арасында ма? - Иә, иә екеуінің арасында. Бұл жақта ата-анасы да біледі келіншекпен связында.
Бақтыгүл қазан айында атаулы әлеуметтік көмекке өтініш білдірген екен. Алайда отбасының табысы жан басына шаққанда күнкөріс деңгейінен асып кеткендіктен берілмепті. Ал Нұрсұлтан Оразов өзі туралы айтылған сөздермен келіспейді. Айтуынша, дәл сол күні үйде болмаған және әйелін өлімге итермелемеген. Бірақ «басқа келіншекпен көңіл қосқаныңыз рас па?» деген сауалға жауап бермеді.
Нұрболат Жаңабекұлы, Дәулетбай Нұрмахан
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#қайғылы_жағдай #ақтық_сапар #суицид #Алматы
Негізгі бет Алматыда үш баласымен терезеден секіріп қайтыс болған әйел жер қойнынана тапсырылды
Пікірлер: 485