Бүгін Алматыда АҚШ Бас консулдығының алдына бір топ жастар жиналды. Олар «Борат -2» деген атпен жарық көрген фильмнің әлемдік прокатқа шығуына қарсылық танытты. «Намыс» қозғалысының мүшелері Саша Барон Коэннің режиссерлігімен түсірілген кино нәсілшілдікті насихаттайды әрі белгілі бір ұлтты дөрекі түрде қорлау деп есептейді. Ұйым мүшелері барлығы 45 адам қол қойған арнайы петицияны Америка Құрама Штаттарының дипломаттарына табыс ету үшін келген.
Алайда бүгін, 23 қазан «Борат-2» фильмін Amazon Prime Video өзінің KZitem хостингіндегі арнасына алғашқы рет жүктеді. «Борат-2» фильмінің мазмұны мен желісі алғашқы кино сияқты қазақстандық журналист Борат Сағдиевтің айналасында өрбиді. Пайда болған трейлерге қарағанда, фильмде ойдан шығарған елдегі саяси оқиғалар мен коронавируспен күрес тәсілдері күлкілі етіп көрсетілген.
Алматылық белсенділерді консулдық қызметкерлері қабылдап, үндеулерін алып қалды. Бірақ оған нақты қашан жауап болатыны белгісіз. Айта кету керек, ҚР Мәдениет және спорт министрі биыл 19 қазанда «Борат 2» фильміне қатысты пікір білдірді. Ақтоты Райымқұлова Қазақстанда бұл фильмді көрсету үшін прокатқа өтінім түскен кезде ресми түрде жауап береміз деп қысқа қайырған еді.
Біздің сайт: azattyq-ruhy.kz
Instagram: / azattyq.ruhy
Facebook: / azatruhy
Telegram: t.me/azattyq_ruhy
Twitter: / azattyqruhy
Наш сайт: rus.azattyq-ruhy.kz/
Instagram: / azattyq.ruhy
Facebook: / azatruhy
Telegram: t.me/azattyq_ruhy
Twitter: / azattyqruhy
Негізгі бет Алматыда «Борат-2» фильміне қарсы жастар наразылық білдірді
Пікірлер: 1,9 М.