Активтерді қайтару жөніндегі комиссия өкілдері заңды күші бола тұра, осы уақытқа дейін тәркіленбеген нысандарды мемлекет меншігіне қайтаруға мықтап кіріскен секілді. Қазір ел аумағында мұндай 36 нысан бар. Мәселен, Алматыдағы ең ірі көтерме базар мемлекет меншігіне өтеді. Өйткені базар нарықтағы құнынан 5 есе төмен бағаға сатылыпты.
Яғни, құны 1,5 миллиардтық сауда орталығы 307 миллион теңгеге саудаланған. Сотқа бұл мәмілені бұзу және объектіні мемлекетке қайтару туралы талап енгізіліп қойыпты. Сондай-ақ, «Қазақстан» шипажайы да мемлекетке қайтарылады. Кезінде мемлекет 2,6 миллиард теңге несиені төлемегені үшін құны 12 миллиардтық шипажайдан айырылып қалған еді. Бірақ Бас прокуратура даулы іске нүкте қойып, нысанды «Халық банкінің» пайдасына өндіріп отыр.
Сонымен қатар, комиссия Жамбыл облысында заңсыз жекешелендірілген құны 1,7 миллиард теңге тұратын 3 нысанды кері қайтарған. Ақмола облысында да 249 үлескердің жерін негізсіз иемденген «Шаңырақ Агро» серіктестігіне жер телімдерін беру туралы конкурс қорытындысы бұзылады.
Активтерді қайтару жөніндегі комиссия экономикалық ресурстарды қолына заңсыз шоғырландырған тұлғаларды анықтауы тиіс. Әрі қазақстандықтардың да бұл процеске белсенді түрде араласуға мүмкіндігі бар. Яғни, комиссияның жұмысы жарияланатын веб-сайт ашылады. Мұнда әрбір азамат хабарлама жіберіп, комиссия қызметіне ұсынысын айта алады.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informb...
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
Негізгі бет Алматыдағы ең ірі көтерме базар мемлекет меншігіне өтеді
Пікірлер: 55