Үг, ая: Давшилт/ ӨМӨЗО/
Үдэш шиврээ бороо шаагина
Хангай даган адуудын чимээ холдоно
Ханын нүдээр алсын гилбээн бүүдийж
Үдэш шиврээ бороо шаагина
Аавын гэрийн дээвэр товшлон
Амраг охидыг зүүдэнд минь дуудаад
Амтат нойрыг дурлалд согтоон
Аяхан бороо шөнөжин шаагина
Амраг дурлал аль олон дурсамжийг
Аяхан бороо зүүдэнд минь шивнээд
Аялгуу дууны эгшиг болон уянгараад
Аяхан бороо сэтгэлд шаагина
Үдэш шиврээ бороо шаагина
Уяанд морьд хөнгөхөн шилгээнэ
Унтаа ноход зүүдээрээ эвшээж
Үдэш шиврээ бороо шаагина
Борооны дуслууд дээвэр товшлон
Бодлын үзүүрт чи минь ирнэ
үнэн хайрын дурлал хөврөөн
Үдэш шиврээ бороо шаагина
Амраг дурлал аль олон дурсамжийг
Аяхан бороо зүүдэнд минь шивнээд
Аялгуу дууны эгшиг болон уянгараад
Аяхан бороо сэтгэлд шаагина
Негізгі бет Altanburged udeshiin boroo
No video
Пікірлер: 3