Alyaa Gad - Healthy Penis صحة القضيب
إزاي تحافظ على صحة القضيب؟ القضيب من أهم أعضاء الجهاز التناسلي للرجل وهو مركز المتعة الحسية عنده فا علشان كدة المهم إن أنت تعرف إزاي تحافظ عليه مبدئيا القضيب بيتكون من عضلات وأوعية دموية يعني في أهم مكوناته في جلد طبعا لكن العضلات دي محتاجة تمرين وإيه تمرين العضلات؟ الحركة فا أنك تجيلك انتصاب كتير دي حاجة كويسة معناها إن القضيب عضلاته بتتمرن علشان يبقى قوي المشكلة بتحصل بس إنه أنت لو بيجيلك انتصاب كتير لكن مافيش علاقة جنسية أو مافيش إمتاع نفس أو اللي بيسموها العادة السرية يعني لازم يعني تعمل حاجة تريحك من الانتصاب دة لو زاد يعني فا لو أنت مش متجوز يعني في حل تاني هو العادة السرية بشرط أنك لا تمارسها بعنف وبتضغط بشدة بحيث تتحول لحاجة مؤلمة لك أو إدمان وفي نفس الوقت في المستقبل لما تتجوز تلاقي إن مراتك مش بتمتعك زي ما أنت بتعمل لنفسك فا دي مش حاجة كويسة أنت حاول ما تكونش عنيف مع نفسك أثناء ممارسة العادة السرية دي حاجة مهمة أوي حاجة تانية بعض الشباب بيعانوا من حاجة اسمها Blue Balls يعني احتقان شديد في المنطقة التناسلية بسبب الانتصاب دائم وعدم ممارسة الجنس وكدة فا واحد من الحاجات إنه بينصحوها للشباب في الحالة دي إنهم يعني يمارسوا العادة السرية مافيش يعني حاجة غير كدة ولا يعني ممكن لو في فرصة أنت متجوز تمارس الجنس يبقى كويس لكن دي حل يعني عملي لها في حاجة تانية بيقولوا عليها Valsalva Maneuver إن أنت تحط صباعك في بوقك وتنفخ جامد تحبس النفس بحيث تضغط جامد على أعضاء بطنك من تحت وتضغط جامد فا تحس إنه الموضوع بقى أقل إيلاما ويعني الدم ها يحس إنه إتحسن شوية الدورة الدموية من أجل أن تحافظ على صحة القضيب أنصحك جدا بممارسة الرياضة 30 دقيقة في اليوم رياضة المشي مثلا كويسة جدا بعد الأكل إتمشى أنت وأصحابك 30 دقيقة أو في البيت أعمل أي رياضة حركة شوية مشي في المكان أو تمرينات بقى في طالعة موضة تمرينات كتير برامج على You Tube إتفرجوا عليها وأعملوا معها احم قضيبك من الصدمات الخبطات وأنت بتلعب كرة قدم أو يعني مع أصحابك بتهزر خدوا بالكم ما تضربوش بعض جامد في المنطقة التناسلية دة بيؤثر في المستقبل على وظائف القضيب وعلى شكله أحيانا الشباب اللي بيمارسوا الجنس أقترح إن أنتم قبل سن 26 سنة تاخدوا تطعيم HPV التطعيم دة ها يحميك من حاجات كتير وها يحمي زوجة المستقبل كمان إمتى تروح لدكتور في ما يتعلق بصحة الجهاز التناسلي والقضيب؟ لما تلاحظ طفح جلدي غريب على القضيب أو كدمات لونها غريب ومخيف وكبيرة منتشرة حوالين الجهاز التناسلي لو لاقيت إفرازات شكلها غريب ولونها وريحتها مش طبيعيين زي ما أنت متعود ولما تلاقيها كمان مصحوبة بحرقان في البول أو حرقان في البول بس مستمر قد يتغير أحيانا شكل السائل المنوي لونه أو لزوجته دي حاجة يعني في الطبيعي من اللون الأبيض للأصفر كدة لكن لما يبقى أحمر أو بني أو أزرق أو أخضر ممكن تقلق بقى وتقول للطبيب إن أنت عندك مشكلة لو أنت عندك تغير في شكل القضيب يعني لاقيته فجأة بقى شكله في زاوية كبيرة غير اللي أنت متعود عليها أو يعني.....
للمزيد www.afham.tv
للمزيد
www.afham.tv/
فيسبوك
/ dr.alyaagad
تويتر
/ alyaagad
جوجل +
plus.google.co...
Негізгі бет Alyaa Gad - Healthy Penis صحة القضيب
Пікірлер