Денешниот рецепт е прекрасен спој на кашкавал, сирење и јајца убаво спакувани во супер меко тесто во форма на мини чамец. Овие полнети чамци, потсетуваат на пастрмајлии, но се далеку полесни за јадење. Еве како да ги приготвите
Потребни состојки:
250 мл млако млеко
120 мл млака вода
1 пакетче сув квасец (3 лажички)
3 лажици маслиново масло
500 г брашно
1 лажица шеќер
1 лажичка сол
За филот:
200 г рендана моцарела сирење или друго сирење што се топи - пр. Гауда
200 г фета сирење
50 г свежо изрендан пармезан
5 јајца
100 г путер, исечкан на коцки
Начин на подготовка:
Најпрво во длабок сад замесете тесто од брашното, квасецот, шеќерот, солта, млекото, водата и маслото. Кога ќе ги ставите сите состојки во сад најпрво промешајте со вилушка или дрвена лажица за полесно да го замесите тестото, а потоа префрлете ја целата смеса на работната површина и месете го тестото околу 10 минути, додека не добиете меко и глатко тесто. Оставете го да стаса околу 1 час на собна температура.
Кога тестото ќе стаса, префрлете го на работната површина и поделете го на 5 еднакви делови. Секој дел расукајте го во округла кора и на два спротивни краја нанесете од ренданиот кашкавал или моцарела. Превиткајте ги краевите така што ќе го формирате тестото во облик на чамец. Во средишниот дел нанесете од фета сирењето и ренданиот пармезан. Постапката повторете ја и со останатите парчиња тесто. Префрлете ги пецивата во тавче за печење обложено со хартија за печење и печете во загреана рерна на 180 степени околу 20 минути. Извадете ги печивата од рерна и во секое од нив скршете по едно јајце. Краевите од тестото премачкајте ги со путер и вратете ги чамците повторно во рерна уште 5-7 минути додека јајцето не биде зготвено.
Оставете 5-10 минути малку да се изладат и сервирајте.
Ви ветувам дека откако ќе ги направите овие чамци со кашкавал и сирење ќе ви станат еден од омилените рецепти на кои секогаш со задоволство ќе се навраќате.
Забавно готвење!
Негізгі бет Чамци со кашкавал кои ќе ги обожавате
No video
Пікірлер: 6