12 мамырда Қазақстанда Аналар күні тойланып жатыр. Бұл мереке мамырдың екінші жексенбісінде аталып өтіледі, деп хабарлайды Zakon.kz.
Ана - әр адамның өміріндегі басты тұлға, көбінесе баланың тілі шыға салысымен айтатын ең алғашқы сөзі.
Аналар күні - әлемнің көптеген елдерінде анаға құрмет көрсетіп, оның мейірімі мен қамқорлығы үшін алғыс айту мақсатында атап өтілетін маңызды мереке.
Елімізде алғаш рет Аналар күні тойланып жатыр. Бұл - анаға құрмет көрсетіп, оның мейірімі мен қамқорлығы үшін алғыс айту мақсатында атап өтілетін маңызды мереке. Мереке әлемнің 20-дан астам елінде тойланады. Аналарды қорғау - мемлекет саясатының баым міндеттерінің бірі. Жас ұрпақты тәрбиелеп, ұлттық құндылықтарды жаңғырту мақсатында жер-жерде аналар кеңесі жұмыс істейді. Қазіргі уақытта Республикалық аналар кеңесінде 1713 бөлімше бар, олардың құрамына 16 мыңнан астам ана кіреді. Мереке қарсаңында барлық өңірде 600-ден астам түрлі іс-шара өтті. Жалпы Аналар күнін мерекелеу ананың қоғамдағы рөлін арттыруға, отбасы институтын сақтауға және нығайтуға бағытталады.
Негізгі бет #Аналаркүні
Пікірлер: 12