Жанар Жүсіпова дәстүрлі музыка өнерін сақтау мен насихаттауды өзінің парызы деп санайды. Оның барлық шығармашылық қызметі осыған дәлел. Ол бірнеше рет жеке концертін берді, дисктер шығарды («Жез киік», «Саржайлау») және жоғары оқу орындарында белсенді қолданылып жүрген оқу құралдарын («Қоңыр саз», «Пьесы для кобыза» және т.б.) жазды.
Жанар Жүсіпова Қазақстан бойынша орындалатын танымал көптеген күйлер мен әндердің авторы. Атап өтетін болсақ, «Ана тағдыры», «Көкек», «Гүлсім ханымға», «Керуен», «Кеңес», «Тәуелсіздік сарыны», «Еске алу» және т.б. Бұл әуендердің барлығы «Қобыз сарыны» концертінде орындалады. Сонымен қатар, Жанар Жүсіпова «Аққу қаздар» шығармасының тұсауын кесті.
Жанар Жүсіпова домбырада орындалатын күйлерді қобызға ыңғайлап түсіреді және танымал шығармалар жаңаша бояуға ие болады. «Қобыз сарыны» кешінде қобызшының орындауында Сүгірдің «Қаратау шертпесі», Боғданың «Қара жаяу» және Тәттімбеттің «Секіртпе», «Азамат қожа» және т.б. күйлері болды.
Негізгі бет Музыка Жанар Жүсіпованың «Қобыз сарыны» атты музыкалық кеші.
Пікірлер: 13