Түркістан облысында 600 мың теңге қалың мал үшін 15 жастағы қызым ұзатылды деген Бауыржан Мәсімов, тұңғышының жастай тұрмысқа шығуына анасын кінәлайды. Айтуынша, бұрынғы әйелі қызын ақшаға қызыққандықтан ұзатқан. Бірақ, бұл туралы маған тіс жарып айтпады. Әлеуметтік желіде қызымның орамал таққан суреттерін көріп есімнен танып қала жаздадым дейді. Алайда ажырасқалы бері 10 жылдай алимент төлеместен хабарсыз кетті деген әкенің әрекетін бұрынғы әйелі де, тіпті туған қызы да «жалған жанашырлық» деп есептейді. Олар шағым берген ер азаматтан көрмеген қорлығымыз жоқ деп мәлімдеді. Тараптарды әріптесім Ерлан Қуандықов тыңдап келді.
«Анасы 15 жастағы қызын 600 мың теңге қалың малға ұзатты» деген ақпарат елді елең еткізген. Артынша қыздың әкесі бой көрсетті. Әйелімнен ажырассам да қызымның бар жағдайын жасадым. Баспанамды беріп, 50-100 мыңдап қаржылай көмектесіп тұрдым дейді. Ол аздай, 500 мың теңге көлемінде ақшаны несиеге де рәсімдеп бердім деп отыр. Ал, анасының қызымды шұғыл ұзатуының арғы жағында дәл осы ақшаға құнығушылық жатыр деп ашуланды.
БАУЫРЖАН МӘСІМОВ, 15 жастағы қыздың әкесі:
- Уже менің қызымды банк қылып жатыр да бұл жерде. Ол ертең, мен білмеймін олардың арасында қандай не, неге бұл срочно күйеуге беріп жіберді түсінбей қалдым. Мен жаман болайын, жақсы болайын, әкесімін ғой?! Әйел адамның басы істейтін болса хабарлап айту керек еді ғой, "осындай-осындай" деп. Мен сеніп бердім. Өгей шеше де сатпайды ғой, өзінің қызын. Өгей шешеден бес бетер болып тұр ғой анасы.
Қыздың анасы бұрынғы жолдасының бұл айтқандарымен келіспейді. Онсыз да алимент төлеп жарытпаған соң, ақша сұрауды да тоқтаттым деп отыр. Керісінше, құнды заттарын ұрлап істі болған азаматқа сотта кешірім де бергенін айтады Келіншектің айтуынша, кезінде әкесі қызын өзіне айтпастан интернатқа өткізіп жіберген. Әрі қызы ерікті түрде тұрмыс құрамын деген соң сүйген жігітіне қосылуына қарсы болмағанын айтты. Ажырасқалы бері қызына көйлек әпермеген әкенің кенет «жанашыр» бола қалғаны өтірік, «қызын сатты» дегені жала дейді.
КӘМИЛӘ КЕРІМБЕКОВА, 15 жастағы қыздың анасы:
- Ойбой, мен қызымды сататын болсам неге 2 миллион сұрамаймын? Неге 600-ақ мың теңге? Құдалар барын берді. Біздің бар жағдайымыз осы, екеуі бір-бірін жақсы көреді деп нетті. Енді мен жаңағы заң білмеген соң,15 жасар қыздың тұрмысқа шықпайтынын білмеппін. Сол менің қателігім болып тұр да. Бір жағынан екеуі тіл табыса алмады. Жас қой тем более. Бір жиырма күнге жетті ме, жетпеді ме сондай болды-ау. Жетісі күні беташары болды. 31 декабрь күні барып алып келдім ғой.
Дегенмен қазір полиция қылмыстық кодекстің 122-бабы, яғни 16 жасқа толмаған адаммен жыныстық қатынасқа түсу дерегімен қылмыстық іс тіркеп, тергеу жүргізіп жатыр. Ал қыздың әкесі көрсеткен өзге деректер анықталмаған.
ГҮЛНӘР ӘБДІРАХМАНҚЫЗЫ, Түркістан облыстық Полиция департаментінің баспасөз хатшысы:
- Полицейлер іс-шаралар кешенін жүргізді. Алайда қызды ұрлау мен мәжбүрлеп ұстау фактілері расталмады. Оқиғаның қатысушылары қыз бен жігіт бір-бірін ұзақ уақыттан бері танитыны және бірге өмір сүруді жоспарлағаны анықталды.
Істі Жетісай полиция бөлімі тергеп жатқанымен, департамент басшылығы оны бақылауға алған. Ажырасқан қыз қазір анасымен бірге Шымкент қаласында пәтер жалдап тұрады. Он жылдай хабарсыз кеткен әкесінің көмегіне қызы да, бұрынғы әйелі де мұқтаж емеспіз деп отыр.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Анасы 15 жастағы қызын күйеуіне айтпай, 600 мың теңге қалың малға ұзатып жіберген
Пікірлер: 290