Janab Amjad Islam Amjad Sahab Ki Ek Piyari Si Ghazal
Awaz - Meero Baloch
Lyrics;
Aankhon ka rang, baat ka lehja badal gaya
woh shakhs aik shaam main kitna badal gaya
Kuch din to mera aks raha aaine pe naqsh
phir youn huwa ke khud mera chehra badal gaya
jab apnay apnay haal pay hum tum na reh sakay
to kiya huwa jo hum say zamana badal gaya
qadmon talay jo rait bichhi thi woh chal pari
us nay chhuraya haath to sehra badal gaya
koi bhi cheez apni jageh par nahin rahi
jaatay hi aik shakhs kay, kiya kiya badal gaya
ik sarkhushi ki moj nay kaisa kiya kamal
wo bay-niaaz saara ka saara badal gaya
uth kar chala gaya koi waqfay kay darmiaan
parda utha to saara tamasha badal gaya
hairat say saaray lafz usay dekhtay rahay
baaton main apni baat ko kaisay badal gaya
kehne ko ik sehan main deewar hi bani
ghar ki fiza makaan ka naqsha badal gaya
shayad wafa kay khel se uktaa gaya tha who
manzil kay paas aake jo rusta badal gaya
qayem kisi bhi haal pay dunya nahin rahi
taabeer kho gayee kabhi sapna badal gaya
manzar ka rang asal main saaya tha rang ka
jis nay usay jidhar say bhi dekha badal gaya
andar kay mosamon ki khabar us ko ho gayee
us no-bahaar-e-naaz ka chehra badal gaya
aankhon mein jitna ashk thay jugnoo say ban gaye
woh muskuraya or meri dunya badal gaya
apni gali main apna hi ghar dhoondhtay hain log
Amjad~ ye kon sheher ka naqsha badal gaya
Негізгі бет Ankhon Ka Rang Bat Ka Lehja Badal Gaya | Amjad Islam Amjad | Urdu Poetry
No video
Пікірлер: 26