ანტიელიტური პროტესტ-მანიფესტი
შეხედე ელიტას !
ელიტა ვერ იტანს,
სახალხო ნოტაზე მომართულ ფლეიტას.
რომ „ღმერთი მოკვდაო“, - ელიტამ ასე თქვას,
უაზრო აზრებით უღმერთო მასებს ნთქავს.
ელიტა ვერ იტანს ვერც თანაელიტელს,
ზოგადად, ელიტა სიძულვილს ვერ იტევს.
ელიტა აქვეყნებს აზრს რეგულარულად:
„ ჯობს ხალხი ვაქციოთ ბრბოდ სეკულარულად !
რადგანაც ბრბო არის ადვილად მართვადი,
მართვად ბრბოს ერევა თვლადი და ართვლადი. ”
ელიტა ამბობს, რომ სიწმინდე ბლეფია,
ელიტა ამბობს, რომ პოეტი დეფია.
ელიტა გზას უხსნის შამანებს, შამუგებს,
ელიტა ყოველთვის ყველაფერს ამუქებს,
ელიტა ტაშს უკრავს ბურჭულებს, ფამუქებს.
ელიტა ქართველებს ქართველურს არ უქებს.
მოგვხვია ელიტის რეკლამამ ტორები,
ლაყბობენ სიცრუის დეკლამატორები.
ელიტამ აკრძალა „დისკრიმინაცია“,
რადგან მას კაცური ბიკინი აცვია.
ელიტას გამოსვლა საღამოს ექვსზე აქვს,
ელიტას მსჯელობა ორალურ სექსზე აქვს.
ელიტა ის არის, აურევს ვინც ერს ტვინს,
ელიტა კანონსაც მიიღებს ინცესტის.
ელიტა ყველგან ჰყოფს დევივით ბრგე ენას,
ელიტა ანთებს და აღვივებს გეენას.
ელიტა კითხულობს წიგნებს და ჰგონია,
რომ უზენაესი სამყაროს გონია.
ელიტა სირცხვილად მიიჩნევს ზნეობას,
ელიტა მხარს უჭერს სიბილწის ზეობას.
ელიტა ამბობს, რომ იესო მკვდარია,
რომ ქრისტეს მოძღვრება ძველი და მდარეა.
ამიტომ ნიცშეს და დარვინიზმს ქადაგებს,
ელიტა სიცრუის ქვას ქვაზე ქვად აგებს.
ელიტა არასდროს არაფერს არ ნანობს,
ელიტა აწყვილებს ნინის და ანანოს.
ელიტამ გაჟღინთა ქართული ლექსი ზმნით,
ელიტა სავსეა მახინჯი სექსიზმით.
ელიტა აფორმებს ათასფერ ფასადებს,
შინაგან სიბნელეს სინათლის ფასს ადებს.
ელიტა გაავსეს უნიჭო ბრიყვებმა,
ელიტა უფსკრულის ბილიკებს მიჰყვება.
ელიტის შემყურე თაობა ირყვნება,
ელიტის კვალდაკვალ უფსკრულში იყრება.
ელიტა ჩემნაირ პოეტებს დასცინის,
მე ხომ მტვერს არ ვაფრქვევ ტაშისკვრის და სცენის.
ელიტა აცეკვებს ხალხს თავის დაკრულზე,
ამბობს, რომ - „თუ გინდა, იხმარო.. წაკუზე!“
ამბობს, რომ „მომავლის ანათებს რადგან მზე,
ჩვენ მალე წარსულსაც მოვისვრით ნაგავზე“.
ელიტა დამწამებს ფუჭ რეტროგრადობას,
მაგრამ შენ ხომ იცი და ღმერთო, მადლობა,
რომ ვხედავ, რომ მესმის, მეუფევ ყოველთა,
- ცივილიზაცია დგას სვეტიცხოველთან.
ელიტა ცდილობს, რომ განმათავისუფლოს,
მაგრამ აქვს კავშირი ანბანთან ვის უფრო? ელიტას?
რომელიც ამბობს, რომ „მოედე ყველაფერს,
რომ სხეულს რაც სურდეს, - უსრულო,
თუ მე? ვინც ვამბობ,
რომ „ანიდან ჰოემდე თუ სხეულს არ ბოჭავ, მონა ხარ უსულოდ“.
მე ვამბობ, „ბრძენია ხალხი და განარჩევს ცუდისგან კარგსაც
და დრო დადებს განაჩენს.
დრო გადის.. მზე მთვარეს, მზეს ისევ მთვარე შობს,
ელიტა ყოველთა წინაშე თარეშობს,
სხვადასხვა ტურებში თამაშით ერთობა,
ელიტამ არ იცის რა არის ერთობა.
მე კი კვლავ ვდგავარ და სულ ბოლოს ველი ტურს,
რომ ბოლო მოეღოს სიყალბეს ელიტურს. ...
და მაინც, ელიტა სიმართლეს ვერ იტანს,
რომელიც ამბობს, რომ - „In Christus Veritas” .
ბექა კოლხიტაშვილი
Негізгі бет Музыка ანტიელიტურ პროტესტ მანიფესტი - მინდია ქიტიაშვილი
Пікірлер: 1