Кыргыз жери
Сөзү Түмөнбай Байзаковдуку
Обону Апаз Жайнаковдуку
Ала-Тоо ак калпагын кийген кезде,
Аскасы көк асманта тийген кезде.
Мен дагы жолго чыгам, таңды тосо,
Кучактайм ой-кыргыларын нурга кошо.
Улуусуң, Кыргыз жерим, нурдан бүткөн,
Сулуусуң, Кыргыз жерим, ырдан бүткөн.
Ысык-Көл жердин көркү кырлар кашы,
Адырлар көкүрөгү токой чачы.
Дайралар кан тамыры чоку таажы,
Седеби, топчулары ар бир ташы.
Кең түздүү, гүл денелүү Кыргыз жери
Күн жүздүү, берекелүү Кыргыз жери.
Жылдыздар көк бетинен өчкөн кезде,
Жарык нур жер жамалын өпкөн кезде.
Көл чалкып, тоолор койнун ачкан кезде,
Дил жаркыа, таң күлкүсүн чачкан кезде.
Көркүнө көрк кошулат Кыргыз жери,
Сезилет ата-эненин мээримдери.
Негізгі бет Апаз Жайнаков Кыргыз жери
Пікірлер: 44