Адам әлеуметтік жаратылыс болғандықтан қарым-қатынассыз өмір сүру мүмкін емес. Себебі үйленіп ұрпақ жалғастыру, сауда жасау, сөйлесу секілді адамның атқаруы қажет болған амалдар қарым-қатынасқа түсу арқылы орын алады. Олай болса әрбір қатынастың өзіне тән өлшем бірлігі болуы заңдылық.
Әуелі, Құранда осыған қатысты қандай аяттарда және қалай баяндалғанына тоқталсақ. Әл-Ағраф сүресіннің 8-аятында Алла: "Қиямет қайымда таразы болатыны ақиқат, Сол күні кімнің жақсылық амалы ауыр болса солар құтылушылар",- дейді. Қияметте адамзат маһшар алаңына жиналғанда есеп беретіні, сол кезде дүниеде жасаған амалдары таразыда өлшенетіні жайлы баяндалады.
Және Қариға сүресінде Алла: "Кімнің жақсылығы ауыр тартса жәннәтқа кіреді, ал кімнің таразысы жеңіл болса тозаққа кіреді",- деп баяндағанынан Алла тек жақсылықты назарға алып тұрғанын байқаймыз. Алла жаманшылығы ауыр болса демей жақсылығы жеңіл болса деп өмірде - негіз болған жақсылық - екеніне ишарат етуде. Адамзат осы қағидаға амал жасап, баршамыз тек жақсы сөз сөйлеп, жақсылық жасасақ жамандық азаятыны белгілі. Асылында қияметтегі таразыда өлшенетін - Құран, сүннетке сай болған жақсы амал. Ақиқи өлшемге сай болмаған амалдар қияметте таразыға салынып өлшенбейді.
Мысалы айтатын болсақ: Қандай да қызмет қолданғаннан кейін оның ақысын хадисте айтылғандай тері кеппестен бірден беру керек. Олай болмаған жағдайда қияметтегі таразыға өлшенбейді. Ақиқи өлшемге сай болмаған амалды киллограммды метрмен өлшегендей қателік жасаймыз. Ал өлшемнен қателеспеу үшін сүннетке сай болғанмен амал жасау ләзім.
Өз нәпсісін Құдайдың орнына қойып, жетегіне еріп, ніпсісі айтқан өлшеммен өлшесе қияметте бұл адамдарға таразы құрылмайды. Ақиқи өлшемге сай амал атқармағандықтан, ондай амал жоқ саналады.
Мұсылман нәпсісінің қалаған өлшемімен емес Алла мен Пайғамбарымыздан үйренген ақиқи өлшеммен өлшеуге тиісті.
Алла баршамызға шариғаттың қойған өлшеміне сай өмір сүруді нәсіп етіп, Өз құзырына барғанда ұялтпасын, Әмин!
#РауанЧингужанов #ілімдариясы #ilimdariyasy
Лектор: Әль-Әзһар түлегі, теолог, РАТТ мүшесі Рауан Чингужанов
Негізгі бет Арақатынастың өлшем бірлігі қандай? | Рауан Жұмабайұлы
Пікірлер: 98