Жетісу облысына қарасты Жаркент қаласында 42 жастағы әйел айуандықпен өлтірілген. Түнгі уақытта дүкенге шыққан Элеонора Зипарованың өртенген мәйітін таңертең ауыл тұрғыны тауып алған. Үстіне киген киімдерін сол маңнан жинап алған жақындары, өлтірмес бұрын қаскөй зорлады деген ойда. Ал, сұмдық жағдайға кінәлі ретінде ұсталған күдікті де сол маңайда тұрады екен. Қабырғасы қайысқан отбасымен әріптесім Бауыржан Жақсымбет жолығып, оқиғаның мән-жайын біліп келген еді.
Қара жамылған Зипаровтар отбасы осымен екінші баласын жоқтап отыр. Осыдан бірнеше жыл бұрын жалғыз ұлдары жол апатынан қайтқанда қабырғамыз қайысқан еді дейді. Бірақ 42 жастағы Элеонорының қазасы тіпті жанымызға батты деп күйінеді. 4 шілде күні түнгі сағат 12-лер шамасында дүкенге кеткен әйел сол күйі оралмаған. Ал ата-анасы ол уақытта қамсыз ұйқыға кеткен екен. Таңертең суыт хабарды естігенде ет жүрегіміз езілді дейді.
ҚАРЛЫҒАШ ЗИПАРОВА, марқұм Элеонора Зипарованың анасы:
- Таңертең 4:30-да тұрдық. Жолдасым тұрды, кенже қызым тұрып кәдімгідей дұғамызды жасап такси заказ қылғанбыз. Өзінің комнаты бар кіріп көрсеңіз болады. Сол комнаттың есігін жауып жататын. Есік жабық тұр ұйықтап жатыр деппін. Апарып әне ана жерде өлтіріпті. Өлтіріп отқа жағып жіберген. Екі аяғы қалған.
БАУЫРЖАН ЖАҚСЫМБЕТ, тілші:
- Марқұмның жақындарының айтуынша 42 жастағы Элеонораны осы жерге сүйреп алып келіп, кейін көлік дөңгелегін қойып өртеп жіберген. Тілсіз жаудың кесірінен бас сүйегі мен денесі толықтай жанып кеткен. Тек, екі аяғы мен қалған сүйектерін ғана жер қойнына тапсырдық дейді.
ГАУХАР ҚҰРМАНАЛИЕВА, марқұм Элеонора Зипарованың туысы:
- Дене мүшесінің бәрі өртеніп кеткен. Басының өзінің құр склеті ғана қалған. Склеті ғана қалған. Ашуға болмайды деді. Өзінің бойы 1,75 болатын. Денесі ірі салмағы 84 кг болатын. Ал енді алып келген кезде ары кетсе 10 килограмдық мәйітті жерледік.
Дереу арада іске кіріскен тәртіп сақшылары аз ғана уақыттың ішінде күдіктіні ұстаған. Жақындары күдікті мен Элеонораның таныс екенін айтады. Өйткені, марқұм інісі екеуі дос болған еді дейді. Қазіргі уақытта құзырлы орган өкілдері тергеудің жүріп жатқанын хабарлады.
МЕРУЕРТ МОРЯКОВА, Жетісу облысы полиция департаментінің ресми өкілі:
- Заңда көзделген барлық қажетті тергеу әрекеттері жүргізілуде. Олардың нәтижелері бойынша күдіктінің іс-әрекетіне құқықтық баға беріле отырып, іс бойынша түпкілікті процессуалдық шешім қабылданады.
Марқұм Элеонора Зипарованың жақындары оның жүйке жүйесі қызметінің бұзылуынан арнайы есепте тұрғанын айтады. Бірақ, ақыл есі дұрыс, бәріне қолдау көрсететін дейді. Денсаулығына байланысты тұрмысқа да шықпай үйде өздерімен біре тұрғанын жеткізді. Әлпештеп өсірген қыздарынан сұмдық жағдайда айырылып қалған жақындары бұл істі соңына дейін жеткіземіз деп бекініп отыр.
.
.
.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Жаркентте сұмдық жайт! 42 жастағы әйелді алдымен зорлап, артынша өртеп жіберген
Пікірлер: 265