Шармановтың бүгінгі қонағы - жазушы, қоғам қайраткері, халқымыздың қаһарман ұлы Бауыржан Момышұлының келіні Зейнеп Ахметова.
Жақсы адаммен өткізген жарты сағат, жарты ғұмырға азық дейді ғой. Өте мән-мағыналы жүздесу болды.
Батырымыздың аманатын арқалап, ұлағатты сөзін, шығармасын дәріптеп, әулеттің туын жықпай қалың қазаққа үлгі көрсетіп, қазақтың салт-дәстүрін асқақтатып, кейінгі ұрпаққа қаймағын бұзбай жеткізіп жүр. Халықтың алғысын арқалап жүргендердің бірегейі - Зейнеп. Мен де Зейнептің адал еңбегіне нән ризамын.
Бұл жүздесуде Баукеңе "Халық қаһарманы" атағы берілмегенін, көп жерде жалған ақпарат болып жазылатынын естіп қатты ыңғайсыздандым.
Ерлігі - аян, батырлығы - белгілі қаһарман қазақтың ұлы Бауыржан Момышұлына тиесілі марапатын беріп, құрмет көрсете алмасақ елдігімізге сын емес пе? Баукең атақ-марапатқа мұқтаж емес, ел-жұрт Баукеңді әлдеқайда «Халық қаһарманы» деп атап кеткен. Көп болып қолға алатын шаруа бұл негізі.
Ел ағалары біз болып, журналистер қауымы өз тарапынан бұл мәселені егжей-тегжейлі қарастырсақ. Былтыр батырдың 110 жылдығында шешілуі тиіс еді. Өлі риза болмай тірі байымайтынын ұмытпайық!
Негізгі бет Шармановтың қонағы: Зейнеп Ахметова
Пікірлер: 244