Communion 2 -- Հաղորդություն 2 -- Причастие 2
Arranged, played and recorded by Arthur Meschian
Lyrics: Arthur Meschian -- Արթուր Մեսչյան -- Артур Месчян
Music: Arthur Meschian -- Արթուր Մեսչյան -- Артур Месчян
Մեկ առ մեկ հղկված քարերը հպվեցին իրար,
Սալերով պատվեց քո նավը և դարձավ տաճար
Բաժնեցին Նրա խորհուրդը հազար աթոռի,
Մոռացան կիսել «Հայր մեր»-ը,
Եվ մարդոց մաշված ջիղերը,
Եվ լաթերը ժառանգված խղճի:
Ուժասպառ վանքի կմախքը գմբեթն է կրում,
Տեր, մարդոց հոգու թոքախտն է արյունով հազում
Դեռ կանգուն են տաճարները, հովիվներն են սուրբ,
Ինքնակոչ առաջնորդները, կիսակրոն վարդապետները,
քահանան ճարպոտ, դպիրը բութ...
Ծամեցին մարմնիդ նշխարքը,
Մարսեցին խաչված պատրանքը,
Լակեցին բաժնված արյունդ,
Լավ է չե՛ն փոխում անունդ
Տեր, գիտե՞ս, Քեզ որդեգրել են
Եվ, ասում են, թլպատել են,
Ախոռում էր Քո ծնունդը...
Ո՞վ է հնարել այս սուտը,
Ո՞ւմ էր պետք, ասա, այս սուտը:
Մեկ առ մեկ հղկված քարերը հպվեցին իրար,
Սալերով պատվեց քո նավը և դարձավ տաճար
Բաժնեցին Նրա խորհուրդը հազար աթոռի,
Մոռացան կիսել «Հայր մեր»-ը,
Եվ մարդոց մաշված ջիղերը,
Եվ լաթերը ժառանգված խղճի:
Негізгі бет Arthur Meschian. Communion. Part 2 of 7
No video
Пікірлер: 3