«Алдымен үйден ақша жоғала бастады. Бұл - күйеуімнің құмар ойынға тәуелді бола бастаған алғашқы сәттері екен. Кейін ішімдікке салынды. Ажырасып тындық». «Сөздің шыны керек» бағдарламасына жылап, сұхбат берген алматылық келіншек осылай деді. Бұл - күні-түні ойын автоматтарына телміріп, үй көрмей, тапқанын терминалдағы құмарын басуға тәрк ететін көптеген ойынқұмар азаматтардың отбасында болып жатқан жағдай. Ең сорақысы - олардың ешқайсысы өздерінің әлдеқашан ауруға айналғанын түсінбейді, түсінгісі де келмейді. Ал, жақындары зардап шегіп жатыр. Күні кеше ғана 450 миллион теңге жымқырды деген күдікке ілінген "Kcell Solutions" компаниясының бұрынғы қаржы директоры - тергеу барысында ол қаражатты букмекерлік кеңселерге салып, ұтқызғаны туралы хабар тарады. Жарты миллиардқа жуық қаражатты ұтысқа салып жіберу - сау адамның ісі емес екенін өзі түсіне алды ма екен? Психиатр мамандар болса ойынқұмарлық, яғни ғылыми термині лудомония аталатын - ойынға тәуелділіктің кесапат кесел екенін, олардың нашақорлар мен маскүнемдердің күйіндей науқас екенін айтып, дабыл қағуда. Бұл ауру болса, оның емі бар ма? Ал, олардың осындай дертке шалдығуына тікелей себепші болған ойын бизнесі өкілдерінің әрекетіне неге заң жүзінде тыйым салу мүмкін емес?
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#Сөздің_шыны_керек #ИринаСоветжанқызы #информбюро #басты_жаңалықтар #Ақиқатын_Айтайық
Негізгі бет "ЖАРТЫ МИЛЛИАРДҚА ЖУЫҚ ҚАРАЖАТТЫ ҰТЫСҚА САЛЫП ЖІБЕРДІ"
Пікірлер: 106