Arzo Sama Pããd,e Kor Dasgeer nie
Kalam ( Ahad Zargar)
Singer Abdul Rashid Hafiz
کلام احد زرگر
گلوکار عبدل رشید حأفظ
ارض و سما پأدٕ کوٚر دستگیٖرنےٕ
دردٕ آدم در وجود اوٚن پیٖرنےٕ
نوٗرِ دستگیٖر دوٗر نزدیک چُھس وُچھان
حوُرِ عینن سُے شفق تصویٖرنےٕ
أندرٕ نؠبرَے ہیرٕ بۄن چُھم دستگیٖر
سۄندرٕ لَلہٕ وان پٔرۍ یہِ ونٕوان سیٖرنےٕ
شش جہاتن ذرٕ ذراتن منز عیان
ریٚش تہٕ سادھو بستٕہ گٔے زنجیٖرنےٕ
عرش و فرشس ہیرِ بۄن پیٖرٕے وُچُھم
درشنٕکۍ منزِل ژٕ پرٛژھ دَمگیٖرنےٕ
پیٖرٕ سٕندے سیٖرٕ نِشہِ یِم بے خبر
تیٖرٕ دل نیمٕتۍ ڈٕہِتھ تز ویرنےٕ
کوثرُک قأسم وُچُھم غوث الاعظم
دفترُک مألِک لیکھان تقدیٖرنےٕ
رہبرس دامن ژٕ رَٹھ پامن مہ ڈر
شَہہ پَرس تل خم گژھان وَلہٕ ویٖرنےٕ
بے عمل عألِم چُھ شجرِ بے ثمر
بے عدد پٔرۍ تَن بڈنۍ تفسیٖرنےٕ
پۄختہٕ زانن پۄختہٕ اسرارِ وجود
نۄکتہٕ بوزٕنۍ کیاہ تگن بے پیٖرنےٕ
احؔد زرگر دستگیٖرس ڈیڈِ تَل
گنجِ معرفت کرِ عطا دِلگیٖرنےٕ
• Arzo sama paed,i kor d...
/ posts
Негізгі бет Arzo Sama Pããd,e Kor Dasgeer nie ( Ahad Zargar)
Пікірлер: 20