ЖАСАРАЛ ҚУАНЫШАЛИН БІР ҒАСЫРДА БІР РЕТ ТУЫЛАТЫН ТҰЛҒАНЫҢ БІРІ.
Белгілі саясаткер Жасарал Қуанышалин ағаның дүниеден өткеніне бір жыл болды. Диктаторлық жүйемен күресі, өткір сыны, қайтпас қайсар мінезі, қазақ күресінде қалдырған өшпес ізі көптеген азаматтарға үлгі болды. Бар өмірін қазақ ұлтының азаттығы, еркіндігі, дамыған елдің бақытты азаматтары болуына арнады. Қазақстанды жекешелендіріп алған диктатор Назарбаевтың тұсында саяси қудалаулардан өтсе де, тайсалмай күресін жалғастырды.
Тоқаевтың "Жаңа Қазақстанын" да сынға алды, автократтар құрған сындарлы саясатпен күресудің жалғыз жолы партия құру, саяси оң өзгерістерге қол жеткіземіз дейтін пікірлес азаматтарды бір тудың астына біріктіру керек деген идеяны алға тартып, 2022 жылы "Алға Қазақстан" атты саяси оппозициялық партияның негізін қалады.
2022 жылғы Қаңтар қырғынында халыққа оқ атуға бұйрық берген Тоқаевтың қылмыстық әрекеті Жасарал Қуанышалин ағаның жан дүниесіне қатты соққы болып тиді. Қаңтар қырғынын зерттеу бойынша команда құрып, облыс, қалаларды аралап, халықтың мұң-мұқтажына назар аударды. Жасаған ерең еңбегі мол.
"Алға Қазақстан" партиясын бірнеше рет тіркеуге әрекеттенген күрескер Жасарал ағаны Тоқаевтың бұйрыққа бағынғыш жендеттері аяған жоқ, дене жарақаттарын алған сәттері естен кетпейді. Жасы үлкен абыз ақсақалдың қайсарлығы жастарға үлгі болып, көптеген азаматтар партия құрамына келе бастады. Алайда, қазақтың бірегей күрескері, партия негізін қалаушы Жасарал Қуанышалин ағамыз 2023 жылы денсаулығы сыр бере бастағанын сезіп, "Алға Қазақстан" саяси оппозициялық партиясының жетекшілігін атақты марафоншы, Қазақстан даңқын көтерген чемпион, Гиннес рекордын жаңартқан Марат Төлегенұлы Жыланбаевқа табыстады.
Жасарал Қуанышалин ағаның жолы қазақ тарихындағы жоғалмас мұра. Халықтың жүрегінде, тілінде, жадында мәңгі қалары анық. Ер тұлғаның ізі өшпес, халқы болса артында дегендей, Жасарал аға халықтың жүрегінен мәңгілік орын алды. Бақұл болыңыз, Жасарал аға!
Алға Қазақстан!
Негізгі бет ЖАСАРАЛ ҚУАНЫШАЛИН БІР ҒАСЫРДА БІР РЕТ ТУЫЛАТЫН ТҰЛҒАНЫҢ БІРІ.
Пікірлер: 10