«Астана» УЕФА чемпиондар лигасында тағы бір сенсация жасады.
Екі жыл бұрын Еурокубок додасының финалына шыққан «Атлетикомен» тең түскен елордалық команда топтық кезеңдегі екінші ұпайына ие болды. Станимир Стойлов шәкірттері маусымдағы ең үздік ойындарын көрсетті. «Астана Аренаға» жиналған 30 мыңға жуық жанкүйердің алдында аянып қалмаған алаң иелері астаналықтарға ғана емес, тұтас Қазақстанға қуаныш сыйлады.
Өз қақпасын тас қылып бекіткен елордалық футболшылар атақты қарсыластарына ешқандай мүмкіндік берген жоқ. 0:0 есебін матч соңына дейін сақтап қалған «Астана» екі ұпаймен С тобында төртінші орынға жайғасты. Елордалық команданың келесі қарсыласы «Бенфика» «Галатасарайдан» 2:1 нәтижесімен басым түсіп, топ бастады.
Диего Симеоне, «Атлетико» ФК бас бапкері
-Матч қызықты өтті. Біз «Астананың» осындай қарқынмен ойнайтынын білдік. Гол соғатын мүмкіндіктеріміз болды. Бірақ тең ойынға да қанағат дейміз. Өз командама көңілім толады.
Станимир Стойлов, «Астана» ФК бас бапкері
-Біздің футбошылар алаңға қорықпай шықты. Аты алысқа кеткен командаға лайықты қарсылық танытты. Қолымыздан келгенше ойнадық. Жігіттер аянып қалмады. Сондықтан бір ұпай үлкен еңбекпен келді. Бұл - тұтас Қазақстанның жеңісі.
Абзал Бейсебеков, «Астана» ФК футболшысы
-«Атлетико» өз ойынын ойнаған жоқ. Бірақ біздің балалар жақсы ойнады. Өте тренердің айтқанын орындады. Тығыз ойнау керек болды. Сөйтіп екі қапталды ашып, ортаны жаптық.
Негізгі бет Фильм және анимация «Астана» командасының келесі қарсыласы - «Бенфика»
Пікірлер: 8