Бүгін Елбасы жылдағы дәстүр бойынша «жасыл белдеуді» аралайды деп жоспарланып отыр.
Тікелей Президенттің бастамасымен қолға алынған жасанды орман бүгінде жайқалып тұр. Астанамен бірге көркейген жасыл белдеудің аумағы бүгінде 83 мың гектардан асты. Ал алдағы 2 жылда 100 мың гектарға жетуі тиіс. Бастысы, жел тұрса тамыры шыдас бермей үзіледі деген көшеттер бүгінде саялы бәйтерекке айналды. Осыдан 21 жыл бұрын бұған күмәнмен қарағандар көп болды. Әрине, оның себебі де түсінікті. Ағаш түгілі шөп шықпайтын қу тақыр жерде орман жасаймыз десе, мен де сенбес едім. Бірақ бүгінде көзбен көріп куә болдық. Әрине, ғылым болмас, мұндай ауқымды жобаны іске асыру әсте мүмкін емес. Осы тұста айта кеткен жөн, көз алдымызда жайқалған жасыл желектің аумағы жыл санап кеңейіп келеді. Басқаша болуы мүмкін емес. Себебі, орманның дамуын Елбасының өзі жіті қадағалайды. Жыл сайын «жасыл белдеуді» аралап, жауапты мекемелерге тапсырма жүктейді. Президент бүгін де мұнда келеді деп жоспарланып отыр. Нұрсұлтан Назарбаев әдеттегідей қырғауылдарды аспанға ұшыратын болады. Осы сәтті қалт жіберіп алмас үшін қазір телеоператорлар соңғы дайындықтарын пысықтаса, орманшылар жасыл желектің басты қамқоршысымен кездесуді асыға күтіп отыр.
Бүгінде орманда құстың 10-ға жуық түрі бар. Қырғауылдың саны шамамен 10 мыңға жетті. Одан бөлек, бозторғай, қарға, шіл, сауысқан, қараторғай да бар. Орман аңға да толы. Елік, қоян, түлкі, борсық, суыр, тиын, кейде бұғыларға дейін келіп-кетіп жүреді екен. Сондай-ақ осыдан 4 жыл бұрын орманшылар мұнда 10 бас марал әкелген болатын. Қазір оның саны екі есеге артып, 21-ге жетті. Бұдан бөлек, мұнда ағаштың 117 түрі өседі. Қазір жасанды орманда туризм де дамып келеді. Туризм демекші, бүгін Елбасы осындағы демалыс орындарының бірін аралап көреді деп жоспарланып отыр. Ол жөнінде толығырақ алдағы жаңалықтар топтамасында айтатын боламыз. Подписывайтесь на «Хабар 24»:
/ tv24kz
Наш сайт - 24.kz
Facebook - / tvkhabar24
Instagram - / tvkhabar24
Telegram - t.me/tvkhabar24
Twitter - / tvkhabar24
Vkontakte - vk.com/tvkhabar24
Негізгі бет Астана маңындағы «жасыл белдеудің» аумағы кеңейіп келеді
Пікірлер: 1