O bildirib ki, özünün Ayazla münasibəti həmişə yaxşı olub: “Hərbi xidmətdən qayıtdıqdan sonra münasibətimiz yavaş-yavaş daha da yaxşılaşdı. Onunla təsərrüfat işlərində işləmişik, heyvandarlıqla məşğul olmuşuq. Mən Ayazın qoyunlarına baxmışam. Buna görə şəriklik etmişik.
Ayaz dedi ki, 30 qoyun doğduqda onun balaların aramızda iki paya böləciyik. Bundan başqa, iribuynuzlu heyvanlarını da baxmağım üçün gətirdi. Lakin onlara baxdığıma görə mənə heç bir şey vermədi. Sonradan bütün təsərrüfat işlərini idarə etməyi mənə tapşırdı. Dedi, buna görə əlavə hörmət edəcək, lakin etmədi”.
“Bu təklifi ilə razılaşdım”
Təqsirləndirilən şəxs qeyd edib ki, Ayazla üç il işlədikdən sonra qoyunları təhvil verib, evinə gedib: “Məndən sonra Ayaz təzə çoban tutdu. Amma dörd ay işlədikdən sonra çoban getdi. Ayaz bizə gəlib dedi ki, mənə kömək elə, heyvanlara bax, yayda onları satacam. Heyvanları bizdə qoydu. Bu hadisə keçən ilin martında olmuşdu.
Sonra mən daş karxanasına işləməyə getdim. Ayaz gəlib heyvanlarını bizdən apardı. Daş karxanasından qayıtdıqdan sonra Ayaz yenə də heyvanlarına baxmağımı təklif etdi. Amma onunla razılaşmadım. Ayaz “gəl, heyvanları satım sənə” - deyə təklif etdi. Mən də heyvanların hamısını almağa imkanımın olmadığını, 20 baş qoyun ala biləcəyimi bildirdim.
Ayazdan 20 baş qoyunu aldım. Bu zaman o, təklif etdi ki, 10-15 baş qoyununa baxım, onun da evində qalım. Bu təkliflə razılaşdım. Düşündüm ki, payıza kimi qalıb, sonra öz qoyunlarımı da satıb, özümə ev tikdirərəm.
Ayaz təklif etdi ki, qalx yaylağa, evimdə qal, heyvanlara oarada bax. Mən də yoldaşım ilə birlikdə Ayazın yaylaqda olan evinə qalxdım”.
Tahirin sözlərinə görə, iki ay həmin yerdə qalıblar, ora isə gələn-gedən olmayıb: “Sonradan Ayaz ora gəldi, usta çağıraraq tövlə tikdirdi. Həmin vaxtlar usta da, Ayaz da orada qalırdı. Sonra qardaşım, yeznəm və atam da gəldilər. Qardaşım toya getmək üçün yaylaqdan çıxdı, yoldaşı, körpə uşağı, Ayaz orada qaldı”.
“Arvadım ona sataşdığını dedi”
Təqsirləndirilən şəxs qeyd edib ki, hadisə günü birlikdə işləyiblər, özü çıxıb meşəyə heyvanların dalınca gedib: “Ayaz isə orada qaldı, taxta kəsdi. Usta dedi, Ayaz, gəl birlikdə gedək, sonra maşın olamayacaq getməyə. Ayaz isə getmədi. Mən dağdan heyvanları gətirməyə getdim.
Ayaz həmişə mənim evimdə olub, ondan belə hərəkət gözləməzdim. Təxminən 40 dəqiqə sonra qaldığımız yerə qayıtdım. Gördüm, arvadım ağlayır, qapı isə açıqdır. Ondan nə baş verdiyini soruşdum. Ayazın ona sataşdığını dedi. Mən buna inana bilmədim. Dedim, gözlə, heyvanları bağlayıb gələcəm.
Heyvanları Ayazın sahəsinə buraxdım, ona zəng vurdum. Dedim ki, heyvanlara, deyəsən, canavar gəlib. Bu adla onu əraziyə çağırdım. Onunla təpədə rastlaşdıq”.
Davamı viodeomaterialda...
Негізгі бет Astarada vəzifəli şəxs çoban arvadına tamah saldı: "Xalatımın yaxasını açdı, əlini..."
Пікірлер: 346