Атомдағы электрондардың қозғалыс жылдамдығы жоғары болады, сондықтан оның кеңістіктегі бір орны туралы айту қиын. Электронның қозғалыс траекториясы қандай да бір бұлтты елестетеді. Әр электрон түзетін электрондық бұлттың тығыздығы әртүрлі болады. Электронның жиі болу ықтималдылығы аймағында электрондық бұлттың тығыздығы арта түседі. Атомдағы электрон қозғалатын кеңістік атомдық орбиталь деп аталады. Электрон бұлттары сфера пішінді электрондар s электрондар деп аталады. Электрон бұлттары көлемдік сегіздік (гантель) пішінді электрондар - р электрондар деп аталады. Әртүрлі пішінді орбитальдардың энергиялары да түрліше болады. Бірдей пішінді орбитальдардың жиынтығын энергетикалық деңгейшелер деп атайды. Бір s орбиталь s-деңгейшесін құрайды, ал үш р орбиталь р-деңгейшесін құрайды. Орбитальдар бірігіп электрондық қабаттар (энергетикалық деңгейлер) түзеді. Әр энергетикалық деңгейде электрондардың белгілі бір саны ғана орналаса алады: 1(К) деңгейінде 2электрон; 2(L) деңгейінде- 8 электрон; 3(М) деңгейінде 18 электрон; 4(N) деңгейінде -32 электрон болады. Әр энергетикалық деңгейшеге электрондардың белгілі бір саны сыяды. s деңгейшеге - 2электрон; р-деңгейшеге - 6 электрон; d деңгейшеге -10электрон; f-деңгейшеге -14 электрон. Орбитальдардың электрондармен толу ережелері:
1) Әр орбитальға 2 электрон ғана орналасады.
2) Энергия қоры аз электрондар ядроға жақсы тартылады, энергия қоры өскен сайын электрондардың ядроға тартылуы нашарлап, қашық орналасады.
3) Бір деңгейшедегі электрондар орбитальдарға алдымен жеке-жеке орналасады. Электрондар санының артуымен біртіндеп жұптасып, орбитальдарды толтырады.
Негізгі бет Атомдағы электрондардың қозғалысы. Зертханалық тәжірибе "Атомдар модельдерін жасау". Химия 8кл
Пікірлер: 8