Атырау облысында Ойыл өзені тасып, Қызылқоға ауданында төтенше жағдай жарияланды. Кенеттен көтерілген су Миялы ауылының іргесіне дейін келіп, тұрғындарға қауіп төндірген. Ауыл халқы отыз жыл бұрын үйлерін шайып кеткен тасқын тағы қайталана ма деп үрейленіп отыр.
Миялы халқы бірнеше күннен бері ұйқы көрмей қолдарынан келгенше бөгет жасап, дамбы соғып, судың бағытын бұруға тырысқан. Бірақ ағысы қатты су ауыл маңындағы тас жолға келіп тіреліпті. Тұрғындар ақыры асфальтті техникамен бұзып, судың ағысын өзгеркен. Қазір бірнеше ауылдың аудан орталығымен қатынасы үзіліп қалды.
Ал төтеншеліктер су деңгейі 2 метрге дейін түсіп, тасқын қаупі сейілді дейді. Әрі әкімдік қызметкерлерімен бірлесіп, жағдайды 24 сағат бойы бақылауда ұстап отырғандарын айтады. Ауыл ақсақалдары әзірге қатер азайғанымен, әлі де су бар дейді.
Айта кетейік, Ойыл біраз жылдан бері арнасы құрғап, экологиялық апаттың алдында тұрған өзен. 1993 жылы дәл осы ауданда бірнеше елдімекенді су басып қалған еді.
ЕСЕНБАЙ НҰРОВ, Қызылқоға ауданының тұрғыны:
- Мынау Ақтөбе облысы Ойыл ауданының әкімшілігімен хабарласып, Тамдыкөлді жаптырды. Бірақ айтуларынша жоғарыда әлі мол су бар. Енді қауіп жоқ. Бірақ біз сақтықты күшейте беруіміз керек
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#СуТасқыны #Ойыл #төтенше_жағдай
Негізгі бет Атырау облысында Ойыл өзені тасып, Қызылқоға ауданында төтенше жағдай жарияланды
Пікірлер: 22