Ah, mən gündən-günə bu gözəlləşən İşıqlı dünyadan necə əl çəkim? Bu yerlə çarpışan, göylə əlləşən Dostdan, aşinadan necə əl çəkim? Dönmə bir şəbnəmə yaz səhərində, Könül, günəş kimi parla yerində! Göylərin lacivərd ətəklərində Gedən bu qovğadan necə əl çəkim? Baxınız, dan yeri sökülmüş kimi, Dostlar bir cəbhəyə tökülmüş kimi. Uzaqdan-uzağa xam gümüş kimi Ağaran səhradan necə əl çəkim? Təbiət varlıdır, təbiət xəsis, İşlədərkən onu, sən ey mühəndis, Mən də qart daşlara verdiyim bu hiss, Bu incə mənadan necə əl çəkim? Bir yanda tərlanlar, dumanlı dağlar, Bir yanda kəkliklər, ayna bulaqlar, Bir yanda bülbüllər, çiçəkli bağlar, Mən bu tamaşadan necə əl çəkim? Həyat dedikləri bu keçməkeşdən, Qəlbimdə, qanımda yanan atəşdən, Gecədən, gündüzdən, aydan, günəşdən, Bu əngin fəzadan necə əl çəkim? Qarşımda dalğalı dərin bir ümman, Ümmanı sarsıdır bir acı tufan, Bəyaz köpükləri bir çiçək yapan Şeirdən, xülyadan necə əl çəkim? Ulduzlar fikrimin çırağbanıdır, Bulud xəyalımın karıvanıdır, Səma ki, hissimin aşiyanıdır, Böylə bir səmadan necə əl çəkim? Mehriban sevgilim qarşımda durdu, Yenə şairliyim başıma vurdu, Məndən məcnun kimi könül maraqla sordu: -Bu saçı leyladan necə əl çəkim? Xəzan acısına edib təhəmmül, Gülün kölgəsində ötəndə bülbül, - Həyat, həyat!- deyə çırpınır könül. Könüldən, sevdadan necə əl çəkim? Sən aldın aşını yeni hisslərdən, Ey cavan qələmim, düşmə bəhərdən, A dostlar, söyləyin, mən bu hünərdən, Bu təbi valadan necə əl çəkim?
@isayevv2139
4 жыл бұрын
Mashallah!
@97kohnbaki.47
4 жыл бұрын
Çox gözəl
@huaweimobas1639
4 жыл бұрын
Allah size rehmet elesin
@user-cn4ht9pf8l
4 жыл бұрын
Sizin səsinizə qulaq asanda,yadıma qədim film lər düşür.Mənə elə gəlir ki,siz keçmişdən gəlmisiz.Gözəl diksyanız var.Çox sağolun.Yadıma düşdü mahnısının bəstəkarı mənəm.İzraildə yaşıyıram.Mən o mahnını1992 çi ildə yazmışam.Adsız bəstəkar.Göyərçin əllərin yadıma düşdü
@limehtiyev4033
2 жыл бұрын
SƏS İNSANI DİNCƏLDİR
@meqsed-novruzov-92
Жыл бұрын
Əzbərləmə problemim var idi məktəb vaxtı texniki fənlər daha rahat gəlirdi mənə. Bu şeiri o qədər sevmişdim ki gedib səhərdən gecəyə ancaq bunu əzbərləmişdim.
Пікірлер: 10