Павлодар облысында азаматтық некедегі әйелін ұрып өлтірген жігіт 11 жылға қамалды. Сотталушы қылмысын жасыру үшін келіншектің денесін балтамен бөлшектеп, Ертіс өзеніне ағызып жіберген.
Жантүршігерлік оқиға 2022 жылдың күз айында Тереңкөл ауылында болған. Тергеудің мәліметінше, көңіл жарастырған жігіт пен әйел арасындағы жанжалға 36 мың теңге себеп болған. Көмір алмақ болған ақшаны келіншек жұмсап қойғаны үшін күйеуі соққының астына алған екен. Қатты жарақат алған ауыл тұрғыны оқиға орнында жан тапсырған. Сосын жігіт әйелдің денесін бөлшектеп, қапқа салып өзенге лақтырып жіберген. Кейін марқұмды туыстары іздеп, полицияға хабар беріпті. Қылмыс тек он ай өткенде бір-ақ ашылды. Айта кетейік, айыпталушы осыған дейін абайсызда адам өлтіргені үшін 8 жылға бас бостандығынан айырылып, түрмеден мерзімінен бұрын босап шыққан.
АГИДЕЛЬ ИБРАЕВА, Павлодар облыстық сотының баспасөз хатшысы:
- Адам өлтіру фактісі бойынша С. қатысты қылмыстық істі қарады. Жасалған іс-әрекеті үшін заңмен 8 жылдан 15 жылға дейін бас бостандығынан айыру жазасы көзделген. Істің мән-жайын және сотталған адамның жеке басын ескере отырып, оған 11 жыл бас бостандығынан айыру жазасы тағайындалды.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал
Негізгі бет Азаматтық некедегі әйелін ұрып өлтірген павлодарлық жігіт 11 жылға қамалды
Пікірлер: 10