Videograph: Жанибек Жүсіпбек
WhatsApp 87478098153
@zhanibek_zhusipbekov
Әлқисса, сонау мәни заманда, 15 ғасырда жарты әлемді билеген Шыңғыс ханның баласы Жошының Шейбани ұрпағынан тараған атақты Әбілқайыр Шәйбани ханның Сібірге жасаған жорығына қатысқан қалың ҚараҚыпшақтың Бұлтың ұрпақтары осы жақты мекендеп қалып қойған. Жағрапиялық негізде бұл аймақ Батыс Сібір ойпаты деп аталады. Қазіргі кезде Қазақстанның Солтүстік Қазақстан, Павлодар, Ақмола облыстарының, Ресейдің Омбы облысына кіретін бұл аймақта Бұлтың баба ұрпақтары көп тараған.
Бұлтың бабадан тараған ұрпақтардың бір бөлігі қазіргі Солтүстік Қазақстан облысы, Уалиханов ауданы, Қайрат ауылдық округ орталығы, Жасқайрат ауылында қоныстанған. Кезінде "қырық үй Бұжбан ауылы" атанған, Бұжбан ата ұрпақтары өмір ағысымен жан-жаққа тарап кеткен. Өткен ХХ ғасырдың, қырқыншы жылдары, бұл өмірден жастай кеткен, Бұжбан бабаның, Мекет баласынан тараған Әнәс Теміржан ұлы, ата шежіресін төмендегі өлең жолдарымен бұлай таратып кеткен:
Арғы атам Жорға Төбет, Құлатайдан,
Ноғайдан, Төлек, Өтел, Сарыбайдан.
Сарыдан төрт ауыл боп ұрпақ өскен,
Таз батыр, Шақат, Шүртек, Егінбайдан.
Шүртектен Оразбай мен Бүксік, Дәулен,
Есдәулет, Қосдаулет боп өсіп өнген.
Дәуленнен Шортанбай мен Бұжбан, Қараман.
Міне біз сол Бұжбаннан өсіп өнген.
Осы Бұжбан бабаның алты баласы Бабақ, Аман, Аманжол, Амангелді, Бейсенбай мен Мекеттен тараған ұрпақтар, ең алдымен Жартушы Раббымыз Аллаһ разылығы үшін, бақилық болған аруақтарды сыйлап сонау ХIХ ғасырда өмір сүрген Бұжбан баба құрметіне, сол атамыздың бейітіне құлыптас орнатып, сауын айтып, дұға оқытып, ас берді. Төмендегі бейне баянда осы сауапты іс-шаралар көрсетілген. Осы орайда, осы шараларға алыс-жақыннан сонау Ресей, Түркия, бері Қазақстаннан бастан аяқ қатысқан күллі Бұжбан ата ұрпақтарына Жаратушы Раббымыз Аллаһ разылығын тілейміз.
Негізгі бет Бұжбан ата бейіті, Жасқайрат ауылы
Пікірлер: 5