🔰 Өткен демалысты «Анаға тағзым» орталығының ұжымы тиімді пайдаланып, сауапты іске ұйытқы болды. Су тасқынынан зардап шеккен қазақстандықтарға көмек қолын созып, көлге тамшыдай үлес қосу мақсатында қаламыздағы ең ірі сауда орталығында қайырымдылық көрмесін ұйымдастырды.
Игі шараға «Брендке бір қадам...» жобасының креативті кәсіпкерлері қатысып, өз қолдарымен әзірлеген туындыларын көпшілікке нарықтан төмен бағада ұсынды. Әшекей бұйымдар, тақия-орамалдар, жұмсақ ойынштықтар мен төсеніштер сынды көздің жауын алатын түрлі тауарларды ерекше қызығушылықпен сатып алған қызылордалықтар әрі тиімді сауда жасап, әрі қайырымдылыққа үлес қосқанына бек қуанды.
✅ Осылайша, креативті кәсіпкерлер таңнан кешке дейін халыққа тапжылмастан қызмет етіп, айтып келмейтін апаттан зардап шеккендерге жылу жинады. Нәтижесінде, сауда-көрмеден түскен жалпы табыстың 50 пайызын арнайы қайырымдылық қорына аударып, қиындықты бірге еңсеруге атсалысты.
Жұмыла көтерген жүк жеңіл! Игі бастамаға қолдау білдірген «ARAY CITY MАLL» сауда, ойын-сауық орталығына және креативті кәсіпкерлерімізге шексіз ризашылығымызды білдіреміз!
#Қайырымдылық
#СуТасқынанЗардапШеккендергеКөмек
#КреативтіКәсіпкерлер
#БрендкеБірҚадам
#БізБіргеміз
Негізгі бет БІЗ БІРГЕМІЗ! Су тасқынынан зардап шеккен қазақстандықтарға арналған қайырымдылық сауда көрмесі
Пікірлер