JUST IN : CHINI KHORANG
BREAKING NEWS : Sakni Bahamjwk Nono, Phatar Hao Twlangwi Phalwi Kabukha Bukra. Hamjwkni Mung Purnima Debbarma. Koksilsamung Kasajak Oh Bukrani Mung Chandan Pal. Agartala Salthang Bwri Thanao Khlaijakha FIR. Phiya ba Patimungni Salchi Jorani Yakulo bo, Yak Bukcha Police. Damnwichichar Jorani Bisingo Bahamjwkno Phalwi Rohornai Bukra tei Bwsaino Romya Honkhe, Kotor Chobao Wngkhornani Damrokmung Rwkha, Haste Congress ni Bwrwi Motha.
*** Nokni Bahamjwk Nono, Phalwi Rohorkha Chandan Pal Mungwi Khoroksa Chakra. Phalwi Rohorjaknai Oh Hamjwkni Mung Purnima Debbarma. Patimungni Yakulo Kwmajak Hamjwkni Nukhungni Bwkhaktwi, Puila NCC Thana, Aboni Yakulo Agartala Salthang Bwrwi Thanao Khlaijakha Koksilsamung. Koksilsamung Mankheno US-498(a)/368/341 tei 34 IPC Kerongo Case Register Khlaikha Police. Phiya ba Patimungni Salchi Jorani Yakulo bo, Yak Bukcha Agartala Salthang Bwrwi Thana Police. Paithago Kraksalo Phalwi Rohorjaknai Hamjwkni Bumano Logio Twlangwi, Agartala Salthang Bwrwi Thanao Deputation Yapharkha Haste Congress ni Bwrwi Motha. Damnwichichar Jorani Bisingo Bahamjwkno Phalwi Rohornai Bukra tei Bwsaino Romya Honkhe, Kotor Chobao Wngkhornani Damrokmung Rwkha, Haste Bwrwi Congress ni Adongjwk Lakhi Nag.
Patimungo Saimanjakha Bisikbwrwi Swkang, Barjala Manipuri Bastini Purnima Debbarma, Agartala Gurkhabasti Amchaini Biswajit Pal bai Kaijakmani. Aboni Yakulo Borokni Khoroksa Wngkha Bwsa Chwla. Taldok Omar Wngkha Tabuk, Borokni Chwrai. Phiya Ba Salbrumno Bahamjwk Purnima Debbarmani Sakao Butok Khlaijakmani Koksilsamung. Laithangnai 19th October Salo, Interview Rwinani Mungwi Bahamjwk Purnima Debbarmano Kalkata Twlangwi Thangmani, Bukra Chandan Pal. Aboni Yakulo Bukra Hasteo Kiphilwi Phai Phano, Phailiya Kiphilwi Bahamjwk Purnima Debbarma. Patimungni Yakulo Kwmajak Hamjwkni Nukhungni Bwkhaktwi, Puila NCC Thana, Aboni Yakulo Agartala Salthang Bwrwi Thanao Khlaijakha Koksilsamung. Phiya ba Patimungni Salchi Jorani Yakulo bo, Yak Bukcha Agartala Salthang Bwrwi Thana Police. Kraksalo Agartala Salthang Bwrwi Thanao Deputation Yapharmani Yakulo, Patimungno twiwi Kok Sana Thangwi, Phalwi Rohorjaknai Oh Hamjwkni Buma Sakha.
Phiya ba Damnwichichar Jorani Bisingo, Bahamjwkno Phalwi Rohornai Bukra tei Bwsaino Rode Romno Agartala Salthang Thanani Police, Abo Jorano Kok Sanai.
Bureau Report Chini Khorang
Негізгі бет Bahamjwk Purnima Debbarmano Phalwi Rohorkha Bukra Chandan Pal
Пікірлер: 1,3 М.