Bahor kelayapti, sezdingizmi,
Tog‘lar kechayapdi qorlaridan voz.
Daraxtlar muhim bir yumush bilan band,
Kelinchak uyg‘onib qilgandek pardoz.
Bahor kelayapti qizdek qilib noz,
Sallona - sallona tashlab qadamlar.
U biram chiroyli, dilbar, dilnavoz,
Shoshiling, yo‘liga chiqing, odamlar!
Bahor kelayapti, iforlaridan,
Hademay hushimni qilar faromush.
Hamma haydagandek Fevral bechora,
So‘ngi kunlaridan kechadi homush.
Bahor kelayapti, ichimga sig‘may,
Chuchmomazorlarni quchgim kelyapdi.
Yerda yurganlarga hech narsa demay,
Turnalari bilan uchgim kelyapdi!
Bahor kelayapti...
Go‘yo tabiat,
Katta to‘y berishga ko‘rar taraddud.
Hoy sen, bahor bilan egiz muxabbat,
Kel mening ko‘nglimning qo‘llaridan tut!
Bahor kelayapti...
Qancha noz, viqor,
Ariga talatib ko‘ylaklarini.
Suyganlar ko‘ksiga solib alanga,
O‘ynatib oshiqlar yuraklarini!
Bahor kelayapti, sezdingizmi...
✍️Malika Salimova
🎙Shahina Bahodirova
Негізгі бет bahor kelayapti...
Пікірлер: 2