હલ્લો ગુજરાત્રિયન્સ...
અકિલા ઇન્ડિયા ઇવેન્ટ્સ - ગુજરાત્રી અને વિખ્યાત કોર્પોરેટ ગ્રૂપ બાન લેબ્સના સથવારે, તા. 29 ફેબ્રુઆરીના રોજ યોજાયેલ કોકટેલ desi - season 2 નો કૈફ જાણે હજુ પણ નથી ઉતર્યો... ગુજરાતી ભાષાના અનેક નવા રંગો આ કાર્યક્રમમાં માણવા મળ્યા તેનો ખરેખર રાજીપો છે... આમાનો એક રંગ હતો બૈતબાજી (શાયરી - ગઝલોની અંતાક્ષરી)નો... મારા બન્ને પરમ મિત્રો, યુવા કવિ મિલિન્દ ગઢવી અને વિખ્યાત દિગ્દર્શક - અદાકાર વિરલ રાચ્છએ આ બૈતબાજી થકી સૌ કોઈને આફરીન પોકારાવી દીધું હતું... તો મિત્રો તમે પણ માણો, ગુજરાતી કાર્યક્રમોમાં કદાચ પ્રથમવાર થયેલ પ્રયોગ - બૈતબાજી...
કાર્યક્રમના બીજા અલગ અલગ રંગો પણ સમયાંતરે તમારી સાથે શેર કરીશું...
વન્સ અગેન, અમારા - ગુજરાત્રી ટીમના આ નવતર પ્રયોગને દિલથી વધાવવા બદલ, અમારી સમગ્ર ગુજરાત્રી ટિમ વતી, આપ સૌ ગુજરાત્રિયન્સનો ખૂબ ખૂબ આભાર...
#Akila #AkilaIndiaEvents #Gujratri #Gazal #Shayri #ViralRachh #SoumyaJoshi #HitenAnandpara #MilindGadhavi #ChetanDhanani #RaeeshManiar #JignaVyas #GathaPota #KavanPota #DhairyaRajpara #RajkotBlues
વિરલ અને મિલિન્દની 'બૈતબાજી'એ સૌને મંત્રમુગ્ધ કર્યા
ઉર્દુમાં 'બૈતબાજી'ની એક નોખી પરંપરા છે. બૈતબાજી એટલે કવિતાની અંતાક્ષરી. જેમ આપણે ગીતોની અંતાક્ષરી રમીએ એજ રીતે સામસામે કવિતાઓ બોલવામાં આવે જેમાં એક કવિતા પૂરી થાય અને એના છેલ્લા અક્ષરથી બીજી કવિતા શરૂ થાય.
આ પ્રયોગ ગુજરાતીમાં લાવીને 'કોકટેલ દેશી ૨'માં રાજકોટીયન્સને મંત્રમુગ્ધ કર્યા વિરલ રાચ્છ અને મિલિન્દ ગઢવીએ. એક પછી એક કવિતાઓ, ગઝલો અને શેરો શાયરીની રીતસર રમઝટ બોલી. પોતાના આગવા અંદાજમાં બંનેએ જ્યારે રજૂઆતો કરી ત્યારે આખો હૉલ તાળીઓથી અને 'વાહ વાહ' ને 'કયા બાત'ના ઉદગારોથી ગૂંજી ઊઠ્યો.
ગુજરાતી ભાષામાં લખાયેલી કેટલીય ઉત્તમ કૃતઓમાંથી ચુનંદા કવિતાઓની એક શૃંખલા રજૂ થઈ જેમાં ભાષાના મૂર્ધન્ય તેમજ નવોદિત કવિઓની રચનાઓનો સમાવેશ થયો ને લગભગ પંદર મિનિટ સુધી ધાણીફૂટ ગઝલોના શેર રજૂ થતા રહ્યા અને પ્રેક્ષકોની દાદ પામતા રહ્યા.
આ પ્રકારનો પ્રયોગ કદાચ ગુજરાતી ભાષામાં પ્રથમ વખત થયો અને એ પણ આટલો સફળ રીતે સાકાર થયો ત્યારે 'ગુજરાત્રી'માં સતત કંઈક નવું અને નોખું કરવાની લાગણીને જોમ મળ્યું.
Негізгі бет Baitbaaji | Milind Gadhavi | Viral Rachh
Пікірлер: 72