#sevilhaciyeva #birivaridi #trend
Vərəmə tutuldu, 31 yaşında Amerikada kürəyindən güllələdilər - Azərbaycanlı müğənninin faciəvi həyatı
Aygünü Kazımovanı və “Bakı payızı” yarışmasının əksər üzvlərini arxada qoydu, qısa zamanda beynəlxalq festivalara ayaq açdı, ardınca vərəmə tutulub ölüm təhlükəsi yaşadı, ailəsi dağıldı... Sonda Amerika vətəndaşı ilə tanış olaraq Los Ancelesə köçdü. Sağalaraq ikinci baharına qədəm qoyduğu an Amerikada güllələdilər.
Biri var idi, 31 yaşında amansıcasına güllələnən nakam azərbaycanlı müğənni Sevil Hacıyeva...
Sevil Maqsud qızı Hacıyeva 3 oktyabr 1968-ci ildə Bakıda anadan olub. Gənc yaşlarından etibarən musiqi fəaliyyətinə başlayan Sevilin qısa zaman ərzində istedadı kəşf edilir və müxtəlif musiqi tədbirlərində çıxış etməyə başlayır.
Azərbaycan Dövlət Konservatoriyasının fortepiano şöbəsində təhsil alır. O, “Yanğı”, “Köhnə tramvay”, “De, kim eşitsin” kimi mahnıların ifaçısı olub. Onun ən çox duet ifa etdiyi müğənnilərdən biri Samir Bağırov idi...
1988-ci ildə “Bakı Payızı- 88” müsabiqəsinin laureatlarından olub. “Yurmala” müsabiqəsində gənc musiqiçilərin yarışında iştirak edən Sevil Hacıyeva hətta Aygün Kazımovanı da geridə qoyaraq müsabiqənin finalına çıxıb.
Daha sonra “Qaya” qrupunun bədii rəhbəri Teymur Mirzəyevin dəvəti ilə qrupda çıxış etməyə başlayıb. Bəstəkar Eldar Mansurovla davamlı əməkdaşlıq edib, onun yazdığı mahnıları oxuyub.
Sevil Hacıyevanın solist kimi əsas fəaliyyəti 1980-ci illərin əfsanəvi qruplarından olan “Karvan”la bağlıdı.
1993-cü ildə “Karvan” qrupu dağıldıqdan sonra Sevil Hacıyeva bir də Bakı səhnələrində görünmür. O, digər həmyaşıdları və həmkarları kimi dövrün ağır şərtlərindən təsirlənərək, səhnələrdən uzaq düşür.
Daha sonra Sevil Hacıyeva vərəm xəstəliyinə yoluxur. Gün-gündən vəziyyəti ağırlaşır. Ardınca ailə problemləri yaşayan müğənni
ABŞ vətəndaşının köməkliyi ilə Los-Ancelesə köçür. 8 Sentyabr 1996-cı ildə Yan Mussman adlı biri ilə evlənir.
Həyatının ikinci baharını yaşayan Sevil Hacıyeva vərəm xəstəliyindən müalicə olunaraq sağalır, Los-Ancelesdə konservatoriyada təhsil almağa başlayır. Öz pulunu qazanmaq üçün isə gecələr şəhərin prestijli klublarının birində səhnəyə çıxır.
Sevil Hacıyeva rəsmi olaraq “Məhdud iş imkanı üçün icazə verilən xarici tələbə” statusunda olub. Sosial Təhlükəsizlik koduna sahib olub.
Sevil Hacıyevanın yaradıcılığının çiçəklənən vaxtı faciəli hadisə onun gənc həyatını yarıda saxlayır. 12 sentyabr 2000-ci ildə bir dostu ilə səhnəyə çıxdığı klubdan evə qayıdan Sevil Hacıyevanın yolunu soyğunçu kəsir. Ciblərindəki pulları tələb edən oğruya tabe olmadığı üçün soyğunçu əvvəlcə Sevilin dostunu güllələyir. Kömək çağırmaq üçün kluba doğru qaçan Sevil Hacıyeva isə belindən vurularaq öldürülür.
Digər bir versiyaya görə Müğənni 12 oktyabr 2000-ci ildə bir şəxslə Qərbi Hollivudda yerləşən Şimali Robertson Bulvarının 470-ci blokunda gəzərkən soyğunçu onların qarşısını kəsərək pul tələb edir və müğənninin pul kisəsini oğurlamağa çalışır. Oğrudan qaçarkən 31 yaşlı Sevil Hacıyeva arxadan güllələnərək qətlə yetirilir. Müğənninin yanındakı şəxs isə oğru ilə mübarizə aparan zaman sifətindən bir güllə ilə yaralanır.
Öldürülən zaman gənc solistin cəmisi 31 yaşı var idi. Sevil ABŞ-a böyük arzularla getmişdi. Ömrünün ən sevincli illərində, yaradıcılığının çiçəklənən anlarında təsadüfən soyğunçü gülləsinə tuş gəlir... Əksər adamların nicat üçün qaçdıqları Amerika Sevilin kabusuna çevrilir. Hazırda da məzarı Azərbaycandan 10 min km uzaqda, ABŞ-ın “Qrendl forest laun” qəbiristanlığındadır...
Негізгі бет Bakıda vərəmə tutuldu, 31 yaşında Amerikada güllələdilər - Xanım müğənnimizin faciəvi həyatı
No video
Пікірлер: 564