#APATV #BozBakı #AğacsızBakı #BetonlaşmışBakı #Bakı #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Bakının nəfəsini kimlər kəsir? - APA TV
“Boz Bakı”, “Ağacsız Bakı”, “Betonlaşmış Bakı” - Bakı ilə bağlı bu cür sifətləri xeyli artırmaq da olar.
Yəqin ki, bu fotonu yaxşı xatırlayırsınız. Ötən il sosial şəbəkələrdə geniş müzakirə olunmuşdu. Rəsmi qurumlar da bol-bol açıqlama vermişdilər.
Bu qədər əkilib, belə olacaq, elə olacaq...
Amma ötən ildən bu yana dəyişən heç nə olmadı. Bakının bağrında barmaqla sayılacaq sayda ağaclar əkdilər. Kəsilənlərin sayı isə daha çoxdur.
Bir zamanlar füsunkar təbiəti ilə hamını valeh edən Bakımız. Hazırda beton şəhər və ya betonlaşdırılmış şəhər də demək olar. Təəssüf ki, bu gün paytaxtımızda yaşıllıqların sayı barmaqla sayılacaq qədərdir. Ağaclar əkilir əkilməyinə, amma vaxtında və ya düzgün aqrotexniki qulluğun göstərilməməsi səbəbindən böyüdükcə yanır, ya da ümumiyyətlə elə əkildiyi kimi də qalır. Təəssüf ki, bu gün beynəlxalq yarışlara ev sahibliyi edən Bakımızsa görünən mənzərə budur. Bir tərəfindən yaşıllığın olmaması, digər tərəfdən də nəfəsimizin kəsilməsi deməkdir. Bəs görəsən nəfəsimizi kimlər kəsir? Bax bu suala cavab tapmağa çalışacağıq.
Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin rəisi Hikmət Əlizadə deyir ki, şəhərə yaşıllığına qarşı törədilmiş bu pozuntular əksər hallarda tikinti şirkətləri tərəfindən yol verilir: “Nə qədər təsiredici olsa da, ya qanunvericiliyi bilməməzlikdən ya da bilərəkdən cəzasızlığa ümid edərək ağacları kəsirlər. Yeri alıb düşünürlər ki, aldıqları yerdə nə varsa onlara məxsusdur və istənilən ağacı götürüb, daha çox yer tikməyə və daha çox ərazi çalışırlar ki, bunun müqabilində satıb pul qazansınlar. Amma başa düşmək lazımdır ki, hər bir ağac üçün xüsusi müraciət olunmalıdır, icazə alınmalıdır. Təkcə bu ilin 9 ayı ərazində 1527 ağac kəsilmə faktı qeydə alınıb və tərəfimizdən 500-dən artıq protokol tərtib edilib. Təkcə hüquq mühafizə orqanlarına 400-ə yaxın iş gedib. Bundan 256 iş polis orqanlarına, DİN-Ə daxil olub, 133-ü isə Prokurorluğa göndərilib. Deyirlər ki, 2 milyon manatdan artıq ziyan hesablanaraq, ziyanın ödənilməsi təmin edilib”.
Dəyəri milyonlarla ölçülən binaların tikintisini reallaşdıranlar üçün 5-10 manat cərimə ödəmək su içmək kimi bir şeydir. Buna görə də, cəriməsini ödəyib, bir müddət gözləyib yenidən “iş başına” keçirlər.
Əsas hədəfləri də ağaclar olur. Ya kökünü qurudurlar, ya da kəsib atırlar. Bu proses isə son 10 ildə daha da sürətlənib.
Bəs görəsən paytaxtda tikinti işləri həyata keçirilərkən yaşıllaşdırma norma və prinsiplərinə necə əməl olunmalıdır? Dövlət Şəhərsalma və Arxitektura Komitəsi bu istiqamətdə hansı tədbir görür və ya ümumiyyətlə görürmü?
Dövlət Şəhərsalma və Arxitektura Komitəsinin mətbuat katibi Ramiz İdrisoğlu deyir ki, dövlət başçısının 2018-ci ilin 1 avqust tarixli fərmanına əsasən Bakı şəhərinə münasibətdə tikinti və istismara icazələr həmin müddətdən Dövlət Şəhərsalma və Arxitektura Komitəsi tərəfindən verilir: “Tikintiyə icazə icraatı çərçivəsində komitəyə təqdim edilən ərazi planlaşdırılma sənədlərinin yoxlanması zamanı ərazilərin yaşıllıqlarla təmin edilməsi normalarına, digər şəhərsalma və tikinti qaydalarının tələblərinə riayət olunur. Tikinti icazələr aidiyyəti dövlət orqanlarının o cümlədən, Ekologiya və Təbii Sərvətlər Nazirliyinin müvafiq rəyləri əsasında verilir. Bundan başqa deyim ki, yaşayış məntəqələrinin yaşıllıqla təmin edilməsi normalarına əsasən əhalinin mövcud məskunlaşdığı məhəllələr yenidən layihələndiriləndə yaşıllıq faizi həmin ərazinin minimum 25 %-ni təşkil edir. Digər təyinatlı obyektlərin tikintisinin planlaşdırılması zamanı isə bu göstərici dəyişir”...
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: kzitem.info...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv
Негізгі бет Bakının nəfəsini kimlər kəsir? - APA TV
Пікірлер: 54