Сәлем кішкентай досым! Бүгін біз күзде бақшада пісетін көкөністермен танысатын боламыз.
Пияз
Асханадан шықпаймын,
Атым - пияз, бұқпаймын.
Көзден жасты шығарып,
Тұмаудан да сақтаймын!
Қызанақ
Тал шыбығым бұралып,
Бақшаларда қызарып.
Тұрған ол мен- қызанақ,
Күнге қарап ұялып!
Картоп
Картоп-біздің атымыз,
Жер астында жатырмыз.
Бір тамырдан тараған,
Ағайынбыз бәріміз!
Сәбіз
Өсіретін бойыңды,
Дамытатын ойыңды.
Қоянға да азықпыз,
Сәбіздерміз жазықсыз!
Қияр
Көктеп ерте шырмалып,
Өсемін мен бүр жарып.
Атым-қияр, теріп ал,
Жиі жиі суғарып.
Асқабақ
Күзді күтіп жатамын,
Жиып нәрді бойыма.
Асқабақпын, жараймын,
Қыстай сақтап қоюға.
Қызылша
Ақ түсім бар қант алар,
Қызыл түсім қанға нәр.
Зияным жоқ біліп қой,
Қызылшамын, пайдам бар.
Қырыққабат
Бақшаларда тізіліп,
Қаперсіз мен жатамын,
Қабат-қабат киініп,
Қырыққабат атандым.
Негізгі бет БАЛАЛАРҒА АРНАЛҒАН КАНАЛ
Пікірлер