Ibi bihe turimo by’urujijo duterwa na Corona ndetse n’amabwiriza yiyambitse usanga hari benshi bishaka kugamburuza mu byo bakakombye gutunganya. Buri wese rero yakagombye no gukangurwa n’iri Jambo ry’Imana akareba niba ntaho yadohotse yitwaje Corona cyangwa se ibindi binaniza, maze agasaba Imana ngo imurinde gusubira mu kabande k’Umusozi yari yarabashije kugera ku mpinga mu gihe yaba abona isuri y’ iminsi ishaka kumusubiza aho yari yararenze.
Amahirwe ariko bene muntu bagira ni uko hirya y’Imanza zose zashobora gucibwa muri iyi si Urukiko rw’Ubujurire rusumba izindi ni Ubutabera bw’Imana kandi Imana ntirobanura mu butoni, ntirya ruswa, ntikoreshwa n’ikimenyane kandi ntivangura ihereye ku marangamutima, inkomoko cyangwa ubwoko.
Dusabe Yezu ngo aduhe imbaraga zo kurangiza neza inshingano dufite ku bandi, tumusabe ishyaka ryo gufasha abadufiteho inshingano kuzisohoza neza, kandi aturinde inzitwazo zituma tumuburira umwanya mu buzima bwacu kuko ni we Mushumba Mwiza nk’uko abihamya agira ati : « Ni jye Mushumba mwiza. Umushumba mwiza yigurana intama ze » (Yh 10,11).
Nyagasani Yezu nabane namwe, abarinde, kandi abahe umugisha ku Izina ry’Imana Data, na Mwana na Roho Mutagatifu.
Padiri Jean Damascene HABIMANA M ukorera Ubutumwa muri Paruwasi Gihara, Diyosezi ya Kabgayi.
yezu-akuzwe.or...
Негізгі бет "Baragowe abashumba batererana ubushyo bwanjye" | Catholique Rwanda
No video
Пікірлер: 2