"Адырна" ұлттық-этнографиялық бірлестігі Алматы қаласы Қоғамдық Даму басқармасының қолдауымен Алаш қайраткерлерінің сүбелі ойлары мен мағынасы зор өлеңдерін назарларыңызға ұсынуды жалғастырады. Ұлтқа үлгі болған Алаш арыстарының асыл сөздерін жадымызда ұстап, болашақ ұрпаққа жеткізу - парыз.
Келесі назарларыңызға ұсынатын туынды - әңгіме жанрының хас шебері, ақын, поэзия, проза, драма саласында бірдей өнімді еңбек еткен қаламгер, үш бәйтеректің бірі Бейімбет Майлиннің "Кедейлер" өлеңі. Алаш арысы «Садақ» қолжазба журналында, «Айқап» журналында, «Қазақ» газетінде жарияланған алғашқы өлеңдерінен бастап-ақ ел өмірінің көкейкесті мәселелеріне ден қойған. Халқының мұң-мұқтажын, арман-аңсарын, әсіресе азаттық-теңдік тақырыбын тілге тиек етеді. Бейімбет Майлиннің поэзиялық шығармаларындағы Мырқымбай - типтік кейіпкер деңгейіне көтерілген жиынтық бейне. Мырқымбай бейнесі арқылы Бейімбет сол кездегі қазақ кедейлерінің болмыс-бітімін, уақыт, қоғам аясындағы тіршілік-тынысын суреткерлік шыншылдықпен бедерлей алған. Халықтың мұң-мұқтажын бірге көтерген ақынның өлеңін
тыңдап, бағасын беріңіздер.
Оқыған: Жансая Сман
Негізгі бет Бейімбет Майлин "Кедейлер" өлеңі
Пікірлер: 5