Астана қалалық мәслихаты депутатының «Елордаға кірер жолдарға блок бекеттер орнатуға» қатысты ұсынысы кешелі бері қызу талқыланып жатыр. Бірі, бұл бастаманы қолдап жатса келесісі депутатты сынға алған. Ал, Азамат Айтқожин қазір бас қалаға бұзылған ет те, есірткі де, тіпті кім екені белгісіз жандар да тексеріссіз, кедергісіз кіргізіліп жатыр деп ашынған. Сондықтан, халықтың қауіпсіздігі мен қылмыс деңгейін азайту үшін блок бекеттер қойылғаны жөн деді. Алдымен, депутаттың сөзін бір тыңдап алайық.
АЗАМАТ АЙТҚОЖИН, Астана қалалық мәслихатының депутаты:
- Бұл Ұлттық қауіпсіздік мәселесі. Біз бұған дейін бұзылған еттің кіргізіліп жатқанын айттық. Енді бүгін есірткі туралы сөз қозғап отырмыз. Сондай-ақ, оңтүстіктен немесе басқа да жерлерден біз үшін өткен өмірі беймәлім адамдар да келіп жатқаны айтылды. Бірақ, ешқайсысыңыз қаланың кіретін, шығатын жолдарына блок бекет қоятын кез келді деп бастама көтермедіңіздер? Неге? Біз не себепті бұл проблеманы көтермейміз?
Депутат Астанадағы қылмыс деңгейінің ұлғаюына дәл осы проблема әсер етіп отыр деді. Сол үшін қалаға келіп жатқан азаматтардың құжаттарын тексеріп, қадағалауды ұсынды. Сондай-ақ, елордаға кім көрінген қоныстанып жатыр дейді Азамат Айтқожин. Тіпті, тұрғанына жарты-ақ жыл болған азамат Үкіметтен баспана сұрайды деп ашуланды. Ал, көші-қон комитетінің өкілдері бас қалаға келушілер тексерілмейді деді. Өйткені, қазір ондай қажеттілік жоқ екен.
АСҚАРБЕК ЕРСАЕВ, ҚР көші-қон комитетінің төрағасы:
- Бақыланбайтын көші-қон ағынына қатысты проблема жоқ. Астанаға еңбек мигранты квота бойынша келеді. Әрі бұл квота ішкі нарықты қорғау үшін жыл сайын төмендетіліп отырады. Мәселен, соңғы бес жылда біз Астанаға келетін мигранттардың санын азайттық. Сондықтан қандай да бір қосымша шектеулер енгізудің қажеті жоқ. Яғни, бәрі елордаға келіп жұмыс істей алады.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informb...
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал
Негізгі бет Беймәлім адамдар қаптады: Елордаға кіре берісте блок бекет қойылатын болды ма?
Пікірлер: 144