Атырау облысында құрылысы осыдан 10 жыл бұрын, яғни Бергей Рысқалиев әкім болып тұрған кезде басталған концерт залы әлі күнге дейін қолданысқа берілмеген. Кезінде бюджет қаражатынан 3 миллиард теңге бөлінген нысан салынып бітпей жатып шетінен қирап жатыр. Қабырғалары қақ бөлініп, темірлерін тот басып кеткен. Ал, әкімдіктегілер орта жолдан тоқтаған құрылысты қайта қолға алу үшін тағы 5 миллиард теңге қажет дейді.
Бұл концерт залының іргетасы 2011 жылы қаланған болатын. Алайда бір жыл өтпей жатып, құрылысты қолға алған мердігер компания тиісті міндеттерін атқармай жұмысты орта жолдан тастап кеткен. 1200 орынға арналған концерт залының құрылысы үшін сол кезде өңірді басқарған әкім Бергей Рысқалиев бюджеттен қыруар қаржы сұратып, артынан басы дауға қалған еді. Өйткені, мердігердің үстінен іс қозғалып, жобаға артық ақша аударылғаны анықталған.
НҰРЛЫБЕК САҚПАРОВ, Атырау облыстық құрылыс басқармасының бөлім басшысы:
- Сол кезде концерт залдың темір бетонды құрылғылар, метал құрылғылардың бәрі ескіріп, алға қарай пайлалануға келмейтіндігі жөнінде бір қорытынды шығарылып, аяқтауға 5 миллиардтың шамасында қанша қаржы қажет екендігі жөнінде қорытынды шығарылғаннан кейін 2015 жылы облыс мәслихаттың шешімен тиімсіз құрылысты алға қарай жалғастыру тиімсіз болады деген шешім қабылданды
ЖҰЛДЫЗ ТЛЕУХАН, Тілші:
- Қазір концерт залы аянышты күйде. Терезелері сынып, темірлерін тот басқан. Айналаның бәрі күл-қоқысқа толы. Тіпті құрылыс басынан бір де бір құрылысшыны таппадық. Ал мердігер мекемелерден қызығушылық танытып отырған компания әлі жоқ.
Бастапқыда облыстық құрылыс басқармасының балансында болған нысан, енді әкімдіктің қарамағына берілмек. Жауаптылар кейін инвесторлар тартып, жұмысты жалғастырамыз деп отыр. Бірақ кезінде құжаттарда кеткен қателіктер үшін оған сот рұқсат етпей отыр.
МЕЙРАМГҮЛ ӨТЕҒҰЛОВА, Атырау облыстық сотының баспасөз хатшысы:
- "Снабойлстрой" ЖШС-нен Атырау облысы Құрылыс басқармасы ММ-не қабылдау-тапсыру актісінің болу фактісін анықтауды сұраған. Атырау қалалық сотының 2022 жылы 5 қазандағы ұйғарымымен аталған арызды қабылдаудан бас тартылған. Себебі арызданушының қойған мәселесі сотпен анықталуға жататын заңдық маңызы бар фактілер жатпайды. Ұйғарымда тараптардың мемлекеттік сатып алу шартын даулауға құқылы екендігі түсіндірілді.
Нысанның болашағы бұлыңғыр. Себебі, құрылысты бастап кеткен Бергей Рысқалиевтен кейін келген 3 әкім де қатырып істі бітірмеді. Шенеуніктің бірі ғимаратты балалар орталығына, енді бірі сауда орнына айналдырамыз деп әлек болды.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
Негізгі бет Бергей Рысқалиев әкім болып тұрған кезде құрылысы басталған концерт залы әлі қолданысқа берілмеген
Пікірлер: 17