«БЕС КҮН ЖАЛҒАН»
Жаз келеді, жайраң басып,
Көк аспанда, күн күледі.
Қолұстасқан, қайран ғашық,
Қоштасарын кім біледі...
Күз жапырақ, жамылғанда,
Тағдыр әні, сол баяғы.
Өз Құдайын, сағынғанда,
Табиғат та, сарғаяды.
Аян болған, азан сүннет
Жер Ананы, қар басады.
Қармен жаның, тазарсын деп,
Ақ пен қара алмасады.
Үміт беріп, басқа адамға,
Жүрегімен, ойнамаңыз.
Көктем туа, бастағанда,
Өмір жайлы ойланамыз.
Қатты - жұмсақ, көңіліміз,
Жан әлемді, көп кездің бе.
Біздің, екі өміріміз,
Ұқсайды екен, төрт мезгілге.
Бір үмітке, мың жалғандым,
Жарық мекен, фәни тұрар.
Өң мен түстей бұл жалғанның,
Бес-ақ күндік, тарихы бар.
Негізгі бет «БЕС КҮН ЖАЛҒАН». «СӨЗ ПАТШАСЫ» бағдарламасы. Оқыған: Ұлбике Жұмабек
Пікірлер