🇱🇰💥රැකියාවක බිහිසුණු මතක 26...
🔴 මුහුදු කොටි තිප්පොලට මිසයිල ප්රහාරයක් (Missile Attack)
*******************************
මා සිටියේ මර නින්දකය. ඒ චුණ්ඩිකුලම් ප්රදේශයේ අප වෙනුවෙන් ඉදිකර තිබූ ටකරං ආවරණ මඩුව තුලය. CDMA දුරකතනයට අලුයම 5 ට පමණ ආ දුරකථන ඇමතුමකින් කියවුනේ තව සුලු වේලාවකින් මිසයිල ප්රහාරයක් LTTE ටාගට් එකකට එල්ල කරන බවය. මා දින ගණනාවක් අපේක්ෂාවෙන් සිටි බලාපොරොත්තුවකි. චලෙයි ආසන්න ඉදිරි ක්රියාන්විත ප්රදේශයේ මෙහෙයුමේ යෙදී සිටි 6 වැනි පාබල බලඇණිය (6 SLLI) හා 7 විජයබාහු පාබල බලඇණියේ (7 VIR)ආරක්ෂක වලල්ල සමීපයට මා කැමරා ශිල්පී සුගත් ඇහැරවාගෙන ගියේ ඇස් දෙක පමණක් පිසදාගෙනය. ඒ වන විටත් BAKTAR SHIKAN මිසයිල විදිනය සවිකළ Defender රථය පැමිණ තිබිණ. එය ක්රියාකරවීම බාරව තිබුණේ 4වැනි ගැමුණු හේවා බලඇණියටයි (4GW). ඉලක්කය වී තිබුණේ මුහුදු කොටි තිප්පොලකි. පෙරදින රාත්රියේ හමුදා ආරක්ෂක වලල්ලට පහරදීමට ආ මුහුදු කොටි බෝට්ටුවක් හමුදා ප්රහාරයෙන් ගිලීගොස් තිබිණ.ඒ වන විටත් කුඩා භූමි ප්රදේශයකට සීමා වී සිටි කොට් සංවිධානය වරින් වර සිය මුහුදු කොටි බෝට්ටු යොදා ගනිමින් ආරක්ෂක වලල්ලට මුහුදෙන් පැමිණ පහර දුන්හ. ඒ සෑම ප්රහාරයක්ම සාර්ථකව මැඩපැවැත්වීමට යුද හමුදාව සමත්වූහ. සුලු වේලාවකින් ඩිෆෙන්ඩර් රථය මුහුදු වෙරළේ ස්ථානගත කෙරිණ. ඒ වන විටත් නියමු රහිත ගුවන් නිරීක්ෂණ යානා (UAV) මගින් ත්රස්තවාදීන්ගේ තිප්පොල පිළිබඳව යුදහමුදාවට තොරතුරු හා දර්ශන ලැබී තිබිණ.
මිසයිලය මුදාහැරිණ.එය ඉලක්කය වෙත ගොස් පිපිරීමට ගතවූයේ තත්පර 30 කටත් අඩු කාලයකි. පිපිරීමට පසු ත්රස්තවාදීන්ගේ පණිවුඩ හුවමාරුවට සවන්දුන් බුද්ධි නිලධාරීන්ට ඇසුනේ මෙවැනි සංවාදයකි.
"මොකක්ද එකක් ආවා...පිපිරුවා..මොකක්ද දන්නෑ." යනුවෙනි. තවදුරටත් පණිවුඩ හුවමාරුවට සවන් දීමේදී ත්රස්තවාදීන් 20 දෙනෙකුට වැඩි පිරිසක් මියගිය බව තහවුරු වී තිබිණ. එය මුහුදු කොටි යාත්රා නැවතුම්පොලකි.
💥🔴
BAKTAR SHIKAN යුද ටැංකි නාශක මිසයිලය පකිස්තානයේ නිෂ්පාදනයකි. ඊට සමාන මිසයිලයක් චීනයේ NORINCO සමාගමද නිපදවන අතර එය Red Arrow-8 ලෙස හැඳින්වේ. BAKTAR SHIKAN මිසයිලයේ ගමන්කරන දුර මීටර් 3000-4000 අතර වේ. වේගය තත්පරයට මීටර් 220 ක් පමණ වේ. එය අවියෙන් නිකුත් වීමෙන් පසු ඉලක්කය වෙත කේබලයක් ආධාරයෙන් හැසිරවිය හැකිවීම (Wire Guidance) විශේෂත්වයයි. මිසයිල ක්රියාකරුට එය ඉලක්කය මතම පතිත කරවය හැකිය. ඝනකම් තහඩු (Armor plate) විනිවිද යාමේ හැකියාව සහිත වීම නිසා මේ මිසයිලය Anti Tank මිසයිලයක් ලෙස භාවිතයට ගැනේ.
♦️මිසයිලය, ත්රිපාදය, පාලකය හා තලකෝණමානය ඇතුලු මිසයිල පද්ධතියට අයත් අංග හතරම කිලෝ 25 කට නොවැඩි වීම මෙය හදිසි ප්රහාර සඳහා යොදාගැනිමට පහසුව ගෙන දෙන්නකි. තිදෙනෙකුට නොවැඩි සෙබළ කණ්ඩායමක් මෙය ක්රියාකරවීමට ප්රමාණවත්ය. රථයක සවි කොට පහර දීම මෙන්ම බිම තබා සහ හෙලිකොප්ටරයක සිටද මෙයින් මිසයිල වෙඩි තැබිය හැකිය. ඕනෑම කාලගුණ තත්වයකට ගැලපෙන ලෙසත් දිවා රාත්රී පහරදිය හැකි ලෙසත් නිපදවා තිබීම තවත් විශේෂත්වයකි. මේ දක්වා ශ්රී ලංකාවට අමතරව බංග්ලාදේශය, මැලේසියාව ,සිරියාව හා පකිස්තානය BAKTAR SHIKAN මිසයිලය භාවිත කර ඇත.
Facebook- AMAL SAMANTHA
Негізгі бет බක්තර් ෂිකාන් මිසයිල ප්රහාරය BHAKTAR SHIKAHN Missile Attack
No video
Пікірлер: 136