බිනරමලී...
බිනරමලී...
රන් රැස් කෙඳි දසත විදා අහස් ගඟේ මැද
තරු මුතුහර ගෙල පළඳා වළා සේල ඇඳ
බිනරමලී එක්ක එන්න බිනර මහේ මැද
පායාපන් මගේ පැළට පායාපන් සඳ...
වනසපු මල් පිපී සුවඳ තීරු පෙරෙනවා
ඇගේ ළඟත් හරියට ඒ පුසුඹ තියෙනවා
පොද වැස්සට පුංචි වතුර බිංදු වැදෙනවා
පුංචි බඳේ පෙති ගෝමර සිහියට එනවා...
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ...
බිනරමලී සිනාසුනා මතකයි යන්තම්
මල්පෙති ඇමුණුවා වගෙයි වැලකට රන්දම්
නෙරිය තබා ඉඟ නළවන ගමනෙහි අන්දම්
සඳ පෑව්වා වගෙයි වැටට උඩිනුත් පන්දම්...
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ...
ඉර පායා රැස් විහිදා මුදුනට එන කොට
සඳකත් පිණිදිය ගලලා රැයක් ගෙවෙන කොට
මල් පිපිලා පුසුඹ වැදී බමරුන් එන විට
බිනර මලී මතක් වෙනව ඉන්නට බෑ මට...
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ...
පීරා පිට මැදට හෙලූ වරළේ රැල් රැල්
තොඳොල් වෙවී කතා කියන හඬවා රසු දැල්
කණේ අරුංගල් හරියට වගෙයි බැබිල මල්
සුදු බණ්ඩගෙ පැලේ තමයි බිනරී හැම කල්...
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ...
ගොයම් නෙලුමෙ කවි සීපද බිනරි කියන විට
කොවුල් හඬක් තවත් මොටද මුවන්පැළස්සට
බියත් සසළ වෙයි පෑරෙන හදවත ඉඳ හිට
වෙඩික්කාරයා එතරම් හොඳ නැත බජනෙට...
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ...
පායපු සඳ නැත පුදුමෙකි රාහු ගිල්ලදෝ
පායපු ඉර වළා ගැබේ පතුළට වීදෝ
මැවූ සිහින මාළිගාව බිඳී වැටුණදෝ
මටත් හොරෙන් බිනරමලී දීග ගියාදෝ...
බිනරමලී එක්ක එන්න බිනර මහේ මැද
පායාපන් මගේ පැලට පායාපන් සඳ ////
ගායනය - රෝහිත් විජේසුරිය මහතා සමඟ ශීලා පරණමානගේ මහත්මිය
සංගීතය සහ තනුව - රෝහිත් විජේසූරිය මහතා
ගී පද රචනය - රංජිත් හේවාබටගේ මහතා
මෙය වර්ෂ 1969 දී තිරගත වූ "බිනරමලී" කලු සුදු චිත්රපටයේ ප්රචාරක කටයුතු සඳහා නිමැවූ ගීතයකි.
Негізгі бет බිනරමලී_Binalamalee_(Rohith Wijesuriya with Sheela Paranamanage)
No video
Пікірлер: 114