Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
Şəkinin Şirinbulaq kəndindən olan İsrafilovlar ailəsi Vətən müharibəsinə 2 igid yollayıb. Onlardan biri bu müharibədə şəhid olub, digəri isə qazi. "Murov qartalı" ləqəbi ilə tanınan şəhid Kənan İsrafilov prezidentin sərəncamı ilə "Vətən uğrunda" medalı ilə də təltif olunub.
İsrafilovlar ailəsi müharibədə şəhid verən ilk ailələrdən biri olub. 29 yaşlı Kənan İsrafilov oktyabrın 5-dən 6-na keçən gecə qəhramancasına həlak olub. Ailəsinin dediyinə görə, Kənan mühasirəyə düşmüş 200-dən çox əsgər və zabiti xilas edib. Kənan İsrafilov əmisinin izi ilə gedib. O, əmisini formada gördüyü andan artıq hərbiçi olmağa qərar verir. Elə bu qərar Kənanın yolunu əvvəl hərbi liseydən, ardınca da cəbhədən salır. Aprel döyüşlərində də şəhidimiz qəhramanlığı ilə ad qazanıb. Kənan İsrafilov müharibəyə başlarkən tezliklə Şuşaya bayraq sancmağı arzulayırdı. Ancaq bu, ona qismət olmadı. Noyabrın 8-i Şuşanın işğaldan azad olunduğu gün, Zəfər günü isə şəhidimizin ad gününə təsadüf edir. Şəhidin əmisi Nəsimi İsrafilov da Vətən müharibəsində şücaətlə vuruşub. Zəngilan, Ağoğlan, Füzuli və Şuşa istimətində döyülərdə iştirak edən qazimiz ayağından güllə yarası alaraq döyüş meydanını tərk etməli olub. Qazimiz müharibədə əsgərlərimizin böyük əzm və yüksək əhval-ruhiyyə nümayiş etdirdiyini, düşmənə qan uddurduğunu fəxrlə danışır. Hazırda İsrafilovlar ailəsində həm kədər, həm də sevinc bir arada yaşanır. Ailə Vətən müharibəsində şücaət göstərən qəhrəmanları ilə fəxr edir, qürur duyur.
#Nəsimiİsrafilov #şəhid #Kənanİsrafilov
Негізгі бет Bir evden iki igid, biri shehid - "Murov qartali", biri qazi - Nesimi İsrafilov
Пікірлер: 88