"Банктер мен монополистер бар табысымызды тонап жатыр". Осылай деген жүздеген атыраулық кәсіпкер бүгін көптен бері көкейлерінде жиналып қалған шағымдарын айтып шықты. Олар салық жүйесіндегі жыл сайын болатын өзгерістері мен ортанқол кәсіптегі көпе-көрнеу кедергілерге наразы. Ал уәкілетті органдар кәсіпкерлердің шағымын топтастырып, жоғарыда отырған жауаптыларға жібереміз деп уәде етіп отыр.
Атырауда шағын дүкен иелері шыдамымыз таусылды дейді. Олар тиімді бизнес климатты қалыптастыруды талап етеді. Кәсіпкерлер жылда өсетін коммуналдық төлемдер, міндеттелген пост терминалдар, QR мобильді жүйесі, әр төлемнен ұсталатын банктердің пайызы, тіпті, салық жүйесіндегі есепсіз бағдарламаларға наразы.
ЛӘЗЗАТ ДОСМАҒАНБЕТОВА, кәсіпкер:
- Қазіргі таңда біздің тұтынушылар пайдаланып отырған QR коды. QR кодты біз қолданған кезде 0,95 процент за входящий платеж төлейміз. Вообще любой крупный компания кім ТОО-да жасайтын болса біледі, 100 млн счетқа ақша түссе де за входящий платеж комиссия төлемейді. Неге жеке кәсіпкерлер, кішкентай магазиндері бар неге 0,95 процент каждый платежға біз төлеуміз керек?
БАЛАУСА НЫСАНОВА, кәсіпкер:
- СНТ деген келіп жатыр оның бәрі не үшін керек? Құтақандай дүкен миллион миллион жарым оборот тек қана. Сонда соның бәрін ана кісіні жіберу үшін бір кнопканы басуға қорқамыз сөздің шынына келгенде. Кассавый апаратқа қарап отырмыз анау қағазға қарап отырамыз. Бір клиенті 20 минут ұстаймыз. Ол қаншама айқай шу туындайды.
Кәсіпкерлерді қолдаудың орнына, керісінше тонап жатыр деп ашынғандардың арыз-шағымы толастамады. Олар монополистер де шағын бизнесті қанап, коммуналдық төлемдердің бағасын жыл сайын шарықтатып жібереді деп ашулы.
АЗАМАТ МАККЕ, кәсіпкер:
- Біз кәсіпкер ретінде бір күнде 400 мыңға тауар сатсақ, бір айда 12 миллион ба, сол 12 миллионның 3 пайызы 360 мың теңге НДС төлейміз. Пайдамыздан емес, толық обороттан төлейміз. Ал оның ішіндегі 15 пайыз біздің пайдамыз. Оның ішінде Атырау жарық алады. Мысалы, менің шағын маркетім 250-340 аралығында ақша төлейміз. Оның 3 пайызын банктер алады. Каждый перевод сайын банктер екі пайыз ұстап отыр.
Жиналған жүздеген кәсіпкерді тыңдаған жауаптылар мұндай арыз-шағымдар бұрын-соңды түспеді деп отыр.
РУСЛАН ДАУЛЕТОВ, Атырау қалалық ауыл шаруашылығы және кәсіпкерлер бөлімінің басшысы:
- Кәсіпкерлер бұған дейін мұндай арыздар айтпады. Қазір барлық уәкілетті органдарды шақырдық. Олар өз салалары бойынша түсіндіреді. Біз өз құзіретіміздегі мәселелерді шешуге тырысамыз.
Уәкілетті орган өкілдерінің сөзінше, кәсіпкерлердің көп талабы жергілікті жерден шешілмейді. Сондықтан арыз-шағымдарын топтастырып, жоғары инстанцияларға жібереміз деп уәде етті.
Жанат Молдашова, Фархат Тәжібаев
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#наразылық #кірістер_комитеті #салық
Негізгі бет Бизнесті қылқындыру ма бұл? Атыраулық кәсіпкерлердің жанайқайы
Пікірлер: 56