БІЗДІҢ KZitem АРНАҒА ТІРКЕЛІҢІЗ: / @informburo31kanal
---------------------------------------------
Отандық кәсіпкерлер импорттық тауарларды таңбалауға қарсы. Пікірлерінше, таңбалау бизнесті тұншықтырып, тұтынушыны шығынға батырады. Әрі, қолданылғалы отырған ақпараттық жүйе шетелдік компанияға тиесілі болғандықтан ел экономикасы қысымға ұшырауы ықтимал деп болжайды. Себебі, шетелдік кәсіпорын нарықта қандай өнім саудалынып жатқанын және қанша көлемде тауар қалғанын бақылай алады. Демек, қалыптасқан ахуалға байланысты ықпалын жүргізуі мүмкін. Сондықтан олар таңбалауды міндеттемей, ерікті қылуды талап етіп жатыр.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Тауарды таңбалауға қатысты дау бірнеше жыл бұрын басталса да әлі күнге дейін екі тарап үшін де ыңғайлы шешім табылған жоқ секілді. Себебі, бизнес өкілдері оқтын-оқтын бас көтеріп, қарсылықтарын білдіреді. Алайда, таңбалау міндеттелмейді не тәртіп өзгереді деген сарындағы сөз айтылмады. Демек, 1 маусым күні аяқ киімдерді таңбалауға берілген қосымша уақыт аяқталады. Ал, 1 шілдеден бастап дәрі-дәрмек сатумен айналысатын кәсіпкерлер де тауарларына цифрлық құжат әзірлетуі керек. Бірақ бұл жаңашылдық отандық фармацевтика саласын шығынға ұшыратқалы отыр деді қауымдастық өкілдері. Әрі, қарапайым тұтынушылардың да қалтасына салмақ түспек.
ТАЛҒАТ ОМАРОВ, Тәуелсіз дәріханалар қауымдастығының төрағасы:
- 1 миллиардтан астам теңгеге қалталары азаяды. Бұл Үкіметтің істеп отырғаны. Олар сәл ғана өседі баға 2,4 теңгеге ғана өседі. Сондықтан оған алаңдамаңыздар дейді. Жақсы, санап көрейік. Бізде Қазақстан бойынша 485 миллион упаковка шығады екен, сол 485 миллионды 2,4-ке көбейтсек 2,5 миллион доллар боп шығады.
Әрі, біздің елдегі дәрі-дәрмек құны онсыз да қымбат деді қауымдастық өкілі. Айтуынша, Ресейде 800 рубльден сатылатын «пульмикорттың» Қазақстандағы құны 14 мың теңгеден басталады. Енді таңбалау енгізілсе, баға тіпті өспек. Сондай-ақ, бірыңғай оператор есебінде бекітілген «Қазақтелекомға» да сұрақтары көп. Өйткені, олар қолданып отырған бағдарламаны шетелдік компания әзірлеген, сәйкесінше құқық иесі де солар. Яғни, отандық өндірушілер мен импорттаушылар тауарларын базаға тіркесе, ақпарат таралып кетуі мүмкін. Бұл экономикалық қысымға әкеп соқпақ. Бір жағынан, жаңашылдық кәсіпкерлердің коммерциялық құпиясына қол сұғу дейді бизнес өкілдері. Ал, аяқ киім өнімдерін импорттаушылар таңбалау контрабандаға қарсы күресте тіпті тиімсіз деп санайды. Себебі, бірыңғай оператордың базасы кірістер комитетінің ақпараттық жүйесімен интеграцияланбаған. Демек, көлеңкелі жолмен кіргізілген кез келген өнімді оп-оңай таңбалауға мүмкіндік бар.
АЙНҰР ҚАЙДАРОВА, Аяқ киім өнімдерін импорттаушылар мен дистрибьюторлар қауымдастығының өкілі:
- Бірыңғай опертор есебінде жұмыс істеп отырған «Қазақтелеком» ақпараттық жүйені жалға алып отыр. Демек, мемлекетке түсетін пайданың жартысы шет елге кетіп жатыр. Жалпы, кеден қызметінде тіркелген, өндірілген жері, атауы жазылған қажетті сертификаттары бар тауарды таңбалдаудың неге керегі бар? Ол импорттық өнім. Отандық болса, жөн еді.
Сондықтан, таңбалауды міндеттемей, ерікті ету қажет деді қауымдастық өкілі. Тіпті, процесс мүлде тоқтатылғанын қалайды. Өйткені, қазір мемлекеттік кірістер комитеті жаңа ақпараттық жүйе әзірлеп жатыр екен. Пікірінше, сол бағдарлама бүкіл тауарды бақылауға мүмкіншілік бермек.
Ал сауда және интеграция министрлігінің өкілдері міндетті таңбалау және қадағалау жүйесі енгізілгелі отандық өндіріс көлемі ұлғайып, нарыққа оң серпін берді деп отыр. Әрі айналымнан контрафактілік тауарлар да алынған. Ал, импортталған аяқ киім өнімдері бойынша қосылған құн салығы мен кедендік баждардан түскен қаржы үш жыл ішінде 4 есеге өсіпті. Пікірлерінше, бұл да міндетті таңбалаудың оң ықпал еткенінің айқын көрісі болып отыр.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Негізгі бет Бизнесті тұншықтырады! Отандық кәсіпкерлер импорттық тауарларды таңбалауға қарсы шықты
Пікірлер: 2