Бұл - Солтүстік Қазақстан облысындағы Бұлақ ауылдық округы. Бұлақ, Ақтас, Қарағай ауылдарын біріктіретін округ жұрты мал шаруашылығымен, егіншілікпен айналысады. Кейінгі жылдары жұмыссыздық пен ауызсу, жол мәселелері жұртшылықтың қалаға жаппай көшуіне әсерін тигізді.
2021 жылдың 27 тамызында округке Болат Бейсенбаев әкім болып сайланды. Ол сайлауға Қазақстан Халық партиясының атынан түсіп, ауыл халқы бірауыздан таңдап алды.
Болат Қанатұлы халыққа жақындығы, айрықша белсенділігімен аз уақытта жергілікті жұрттың ықыласын алып үлгерді. «Еңбек» бағдарламасымен оңтүстіктен бірнеше отбасын көшіріп әкелді. Қазір инфрақұрылымды жетілдіріп, жол, су проблемаларымен айналысып жатыр.
«Әкімдер - биліктің әрбір елді мекендегі тікелей өкілі. Жұрт олардың қызметіне қарап бүкіл мемлекеттік басқару жүйесінің тиімділігін бағалайды.»
ҚР Президенті Қасым-Жомарт Тоқаев.
#БұлақАуылы #Qazvision
Негізгі бет BORYSH - ауылын іздеген әкім жайлы фильм
Пікірлер: 74