كلمات: رزين الثلابي.
تسجيل ومكس: محمود عبدالعظيم.
توزيع: اسلام فاروق.
اداء: محمد العميشي.
حفل زواج سعود سويعد الثلابي السلمي
الكلمات؛
ابشروا بالمطر بذن الله المعبود
بعد لاحت بروقه واقبل خياله
وارسل الخير عطره مع هبوب النود
مرحبابه و حيالله مرساله
كن في راس نوه شعله وبارود
لا قشط بارقه زلزل بزلزاله
امطرت واستهلت والخيال يقود
لين رسى على الضلعان بثقاله
كن صب الشرايع فالجبال السود
بادي الشيب فالي مكرم سباله
يالله السيل يالله يا وسيع الجود
لين كلٍ بجودك يهتني ماله
عزوا الصف يا ربعي عيال العود
تعرفون الفرح يحييونه رجاله
مرحبا يا ضيوفٍ طيبهم مشهود
انتم اهل الوفاء وانتم هل الطاله
الفرح يكمله شوف الضيوف وفود
كل ثلابي امسى منشرح باله
يا نهار السعد يوم احتفال سعود
البناخي عسى دوم الفرح فاله
قال يا خال ابا الي صنفها مفقود
و البناخي معنزها على خاله
قلت تبشر وكل الي تبي موجود
ابرك ايام خالك واسعد لياله
يا بناخي عساك من الفرح في زود
والسعد كل يوم حلالك حلاله
انت من روس قوم معربين جدود
ساسهم في علو العز منزاله
وانته ابوك ذكره بالوفاء محمود
مع رجال الوفاء ما تقصر حباله
والقبايل جميعاً ما عليهم زود
كلٍ مسطر التاريخ بأفعاله
والله انه يعز الدار وآل سعود
دولة الخير بانواعه وبأشكاله
#مطر #مجرور #محمد_العميشي
Негізгі бет ابشروا بالمطر | محمد العميشي 2022
Пікірлер: 23