لمتابعة الفنان ماجد الرسلاني عبرالصفحات الإجتماعية والموسيقية :
alfan.link/Maj...
ماوصلت ونيتي بس اتواجد
كان هذي نيتي فالناس واجد
مير ياماجد ياذخر عيال عمك
من يلوم الوايلي في صوت ماجد
والله ان ابو بدر بالحيل غالي
ولامدحته افتخر و ارفع عقالي
ودونه اوقف بالمقام وبالقصايد
مثل ماوقف دون ابوي ودون خالي
غن في صوتك ياصوت عيال وايل
وازهل القيفان و اجزال المثايل
ودنا مع صوتك نغنّي و نَلعب
فالهنادي و المراهيف الصقايل
وان عرضنا بالسيوف الصيرميه
كل واحد بعنزه ناظر خويه
لاتخوّفك السنين و لاتبالي
دونك اللي تعتزي بالوايليه
مجد ربعي قبل لابدا فالكتابه
وقبل فن الشعر وفنون الخطابه
انشد التاريخ ويعلمك من هم
متعبين الخيل في يوم المجابه
وعزوتي روس الرسالين الولايد
محزمي لاقمبعت وقت الشدايد
من تعزوا باسمنا فاالضيق الساعه
مالقى من عقبها ضيق ونكايد
نسل روسٍ ماتخاف الا من الله
ماخذين الطيب و المعروف كله
كل من هو شافنا فالارض نمشي
مايقول الا يا ماشاء ماشاء الله
المديح فمثل ابو بدر وعياله
يطرب الشاعر ليا جاله مجاله
حي والله ذخري بوقت الشدايد
الكرام اللي لهم طيب و جماله
من عمام ومن خوال الطيب جاهم
الله محيي مع العالم نباهم
والله ونعم اللحا وونعم الشوارب
لاعتزا فيهم ولد عم و نخاهم
في بدر راعي المواقيف اتغنّا
حر من دون المكارم ماتونّا
والله انه ذخر من حطه يمينه
ونفتخر في مثله ليا صار منا
وان طرى سامي محمد حي عينه
الرفيق اللي مواقيفه ثمينه
والله ان ابو محمد حي فاله
فزعته توصل قبل لا نقول وينه
وفي فرح عبدالله بخير الليالي
والله اني امدحه و احذف عقالي
من غلاه اللي يبارك في حياته
والله انه غالي ومن نسل غالي
ولايهون اللي على العليا مقامه
حرٍ بصدر السما كمّل دوامه
وان مشى معنا على الارض الفضيه
نعرف سليمان تقدير و شهامه
الكرام اللي على الطاله تعلوا
في رفيق الجنب مامالوا وزلوا
باسمهم في قاعة السلطان حنّا
نهلي باسم الولايد يوم هلّوا
البسوا بشت المفاخر يالولايد
وازهلونا لعب وانشاد وقصايد
والله انّا دونكم ياعيال عمي
مانعرف نصف في صف المحايد
عادة الافراح يابو بدر دايم
ياذخر من طيبهم راس الغنايم
محزمٍ مابار في وقت العوافي
وبالسنين اللي تبي عصب العمايم
Негізгі бет بشت المفاخر - ماجد الرسلاني | 2024
Пікірлер: 15