691/2 - Ибн Омар (р.а.) Аллаһ елшісінің ﷺ былай дегенін жеткізді: "Сатушы мен сатып алушы бөлініп кетпей бірге болған сәтінде, әлде біреуі екіншісіне таңдау бермейінше ол екеуінде таңдау бар. Егер біреуі екіншісіне таңдау беріп екеуі де соған келіссе, олардың саудалары міндеттеледі. Егер екеуі де саудадан бас тартпай солай екі жаққа тарап кетсе, олардың саудалары міндеттеледі". Хадисті Бухари мен Муслим жеткізген.
692/3 - Амр ибн Шуғайб әкесінен ол атасынан (р.а.) Алла елшісінің ﷺ былай дегенін жеткізеді: "Сатушы мен сатып алушы бөлініп кетпейінше таңдауда болады, егер таңдау келісімі болмаса. Сондай-ақ, оған қасындағысы сауданы қайтарып тастаудан қорқып одан бөлініп кетуге болмайды". Хадисті бесеудің Ибн Мәжәдан басқалары, Дарақутни, Ибн Хузайма және Ибн Жәруд риуаят еткен.
Басқа риуаятта: "Екеуі орындарынан бөлініп кетпейінше".
Негізгі бет Булуғ әл-Марам 30. Саудалар кітабы 2-бап: Таңдау бабы, 2-3-хадис. Ұстаз: Омар Теміртас
Пікірлер: 3